Даслаць навіну
Знайсці
28.09.2019 / 12:10 13

Жывая навука: маштабны Кангрэс даследчыкаў Беларусі адкрыўся ў Вільні

Павялічыць выяву

Восьмы Міжнародны Кангрэс даследчыкаў Беларусі адкрыўся ў Вільні 27 верасня. Ён будзе доўжыцца тры дні. На яго сабралася каля 520 навукоўцаў.

Ранейшыя кангрэсы праходзілі пераважна ў Коўне, пры падтрымцы Універсітэта Вітаўта Вялікага. Для сёлетняга пляцоўкаю стала Вільня, а падтрымку надаў Еўрапейскі гуманітарны ўніверсітэт.

Урачыстае адкрыццё і пленарнае пасяджэнне адбылося гэтым разам у касцёле Святой Кацярыны. Яно складалася з дзвюх дыскусій.

У абмеркаванні «Глабальны зрух улады: наступствы для Усходняй Еўропы» бралі ўдзел спецыялісты з ЗША, Канады, Беларусі і Германіі. (Роберт Нурык, Атлантычная рада (ЗША); Ірвін Студзін, Global Brief (Канада); Скот Калінейн, Альянс ЗША-Еўропа (ЗША); Андрэй Казакевіч, «Палітычная сфера» (Беларусь). Мадэраваў дыскусію Яўген Прэйгерман, Мінскі дыялог, Беларусь.

А ў гістарычнай дыскусіі «450-годдзе Люблінскай уніі (1569) і яе значэнне для краін рэгіёна: Беларусі, Літвы, Польшчы, Украіны і Расіі» ўзялі ўдзел навукоўцы з Беларусі, Польшчы, Украіны і Літвы. Алег Дзярновіч, Інстытут гісторыі НАН Беларусі; Алвідас Нікжэнтайціс, Інстытут гісторыі Літвы; Геранім Граля, Варшаўскі універсітэт (Польшча); Ігар Скачыляс, Украінскі каталіцкі універсітэт; Артурас Дубоніс, Інстытут гісторыі Літвы; Томаш Кемпа, Універсітэт імя М. Каперніка (Польшча). Мадэравала дыскусію Алена Маркава з Карлавага ўніверсітэта (Прага).

На пленарным пасяджэнні быў забяспечаны пераклад на беларускую і англійскую мовы.

Сёння і заўтра адбудзецца праца шматлікіх секцый, прысвечаных разнастайным тэмам: ад стратэгічных энергетычных праектаў да сюжэтаў, звязаных са 100-годдзем абвяшчэння БССР, якое чырвонай ніткай праходзіць праз гістарычныя дыскусіі сёлета. Праграму можна прачытаць тут.

Асабліва цікавымі для шырокай публікі могуць быць вечаровыя дыскусіі і кніжныя прэзентацыі ў суботу. На жаль, яны адбудуцца паралельна, у 17.00.

Так, у аўдыторыі 110 ЕГУ будзе мець месца дыскусія: «Палітычная рэформа і транзіт улады: сцэнарыі, магчымасці і рызыкі. Беларусь і досвед іншых постсавецкіх краін».

Мадэратар: Арцём Шрайбман (Беларусь)

Удзельнікі: Андрэй Казакевіч (Беларусь), Валер Карбалевіч (Беларусь), Пётр Пятроўскі (Беларусь),

Мірзакід Рахімаў (Узбекістан), Айдархан Кусаінаў (Казахстан), Рахім Рахімаў (Азербайджан).

Цырымонія ўручэння прэмій Кангрэса пройдзе гэтым разам у Ратушы а 19-й гадзіне (вуліца Вялікая, 31). Пасля яе, а 20-й гадзіне, адбудзецца дыскусія на тэму перапахавання Каліноўскага з удзелам доктара гістарычных навук Алеся Смаленчука і рэдактара «Нашай Нівы» і «Нашай гісторыі» Андрэя Дынько.

Агулам Кангрэс — гэта магчымасць пабачыць і пачуць даследчыкаў з розных краін і галін і пагрузіцца ў атмасферу жывой навукі.

NN.by

0
HENRIK KWINTA / адказаць
29.09.2019 / 21:33
Мабыць будуць даследаваць феномен Лукашэнки.
4
Алёхна / адказаць
30.09.2019 / 11:17
Кажыма праўду, па-першае, я вам не "хлапеча". Па-другое, ВКЛ не "ляснула", а было акупавана пруска-расейскімі акупантамі, якія затым старанна зфальсіфікавалі ўсю гісторыю яго тытульнае нацыі літвінаў. Па-трэцяе, вынікамі гэтае фальсіфікацыі ёсць такая каша ў галаве, як у вас, заклікаючых да змагання за нейкую "незалежнасць" маскоўскага антыгістарычнага праекту "Бело-руссіі" (гістарычная даведка: "Белая Русь" 13-17 ст. гэта рэгіён Пскову, Цверы, Смаленска, таксама ў 15-17 ст. пад назвай "Белай Русі" была шырока вядома, у тым ліку ў афіцыйных дакументах, Масковія).
0
счётчик Гейгера / адказаць
30.09.2019 / 20:19
Как интересно, такие конференции надо транслировать в прямом эфире,хотя бы на фейсе...
А если бояться "органов" так они и так всё знают.... Сидит там парочка, минимум...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31