Даслаць навіну
Знайсці
01.10.2019 / 10:41 2

Кастрычнік у РТБД — агляд усіх спектакляў месяца, абірайце

Халодныя і мокрыя восеньскія вечары існуюць для таго, каб з асалодай правесці іх у зале тэатра. Глядзіце, на якія спектаклі РТБД можна схадзіць у кастрычніку.

1 кастрычніка (аўт), 19:00

Пакуты ад здаровага сэнсу (16+)

Павялічыць выяву

Жанр: камічная прыпавесць
Працягласць: 2 г. 30 хв.

Маці, бацька, суседзі і сябры спрабуюць наладзіць асабістае жыццё 29-гадовай інтэлігентнай настаўніцы Аліны. Знаёмая сітуацыя? Тады ў тэатр!

Купіць квіток

2 кастрычніка (ср), 19:00

Кар’ера доктара Рауса, паводле Марціновіча (16+)

Павялічыць выяву

Жанр: гістарычна недакладная трагікамедыя
Аўтар: Віктар Марціновіч
Рэжысёр-пастаноўшчык: Аляксандр Гарцуеў
Працягласць: 2 г. 40 хв.

Ці шмат вы ведаеце пра Скарыну? Віктар Марціновіч і Аляксандар Гарцуеў расказалі поўную прыгод гісторую пра «канкрэтнага мажора, які вучыўся не ў Полацку, а за мяжой». А каб гледачу было цікавей, дадалі ў рэаліі XVI стагоддзя сучасных фарбаў: тут Скарыну суправаджаюць лазерная ўказка, мабільны тэлефон і нават шклянкі для гарбаты ў цягніках.

«Кар’ера доктара Рауса» — гэта, у першую чаргу, пра чалавека, а ўжо потым пра асветніка і першадрукара. Безумоўна, погляд суб’ектыўны. А якім вы ўяўлялі Скарыну, калі чыталі пра яго ў падручніках па гісторыі і літаратуры?

Купіць квіток

3 кастрычніка (чц), 19:00

Дзед (12+)

Павялічыць выяву

Жанр: трагікамедыя
Аўтар: Вячаслаў Панін
Рэжысёр-пастаноўшчык: Дзяніс Паршын
Працягласць: 1 г. 30 хв., без антракта

«Дзед» — гэта погляд на сучасныя сем’і, дзе маладзейшыя пакаленні за ўласнымі праблемамі часам забываюць пра сваіх старэнькіх сваякоў, вымушаных дажываць адведзены ім час дзесьці за перагародкай.

Купіць квіток

4 кастрычніка (пт), 19:00

Адамавы жарты (16+)

Павялічыць выяву

Жанр: камедыя
Аўтар і рэжысёр: Святлана Навуменка
Працягласць: 1 г. 50 хв., з антрактам

Саўка і Марыся — выдатныя муж і жонка, шмат у чым нагадваюць біблейскіх Адама і Еву. Яны маладыя, прыгожыя і вельмі працавітыя. Жывуць у любові і згодзе, старанна вядуць хатнюю гаспадарку. Але адкуль ні вазьміся да іх заяўляецца Чорт…

У спектаклі пераплятаецца рэальнае і фантастычнае, сапраўднае і карыкатурнае, сучаснае і старажытнае. Шмат музыкі, пластыкі і, вядома, жартаў.

Купіць квіток

11 кастрычніка (пт), 19:00

Мудрамер (16+)

Павялічыць выяву

Жанр: сатырычная камедыя
Рэжысёр: Аляксандр Гарцуеў
Працягласць: 2 г., з антрактам

Вынаходнік-самавучка Мурашка прыдумляе апарат, які вызначае ступень чалавечай мудрасці. У спробах запусціць мудрамер у серыйную вытворчасць вынаходца звяртаецца ў Міністэрства ўзгаднення. Вось тут і пачынаецца самае цікавае…

Купіць квіток

15 кастрычніка (аўт), 19:00

Бетон (18+)

Павялічыць выяву

Жанр: візуальная паэзія
Аўтар ідэі і рэжысёр: Яўген Карняг

Спектакль зроблены паводле міфу аб Арфеі, кожная частка спектакля названа ў гонар пэўнага эпізода, але скразная гісторыя не такая важная, апроч таго, што яна пра смерць і пра адчуванне сябе чужым сярод іншых людзей. У спектаклі цудоўнае афармленне: роўная бетонная сцяна, якая цягам спектакля аказваецца напоўненай самымі разнастайнымі сакрэтамі і сюрпрызамі. Нечым гэта нагадвае наша жыццё ў бетонных мікрараёнах, дзе ў бетонных блоках пахаванае таемная стракатае жыццё. У нейкай ступені менавіта гэта і ёсць нашым Аідам, куды спускаецца артыст, рэжысёр па сапраўдную эмоцыю для свайго мастацтва. Што праўда, у Арфея такой эмоцыяй зрабілася смерць і тварыць пасля гэтага ён ужо не даў рады.

Купіць квіток

17 кастрычніка (чц), 19:00

Сіндром Медэі (18+)

Павялічыць выяву

Жанр: трагедыя
Аўтар: Юлія Чарняўская
Рэжысёр-пастаноўшчык: Кацярына Аверкава
Працягласць: 2 г. 30 хв., з антрактам

Спектакль пра жанчыну, прыдуманы жанчынай-драматургам і пастаўлены жанчынай-рэжысёрам. Юлія Чарняўская наўрад ці мела тое на ўвазе, калі пісала сучасную версію класічнай Медэі, але паралелі паміж трагічным міфам і сучаснасцю здаюцца невыпадковымі. Справа нават не ў тым, што сучасная Медэя выкідвае сваіх дзетак з вокнаў шматпавярховіка… Абсалютна да месца аказваецца, што Мэдэя, па сутнасці, імігрантка, старажытны хор выглядае падобным на сучасныя форумы і фэйсбук, і самае галоўнае: залежнае ад мужчыны месца жанчыны ў грамадстве становіцца сюжэтастваральным. Калі так шмат залежыць ад мужчыны, што рабіць, калі пакласціся на яго нельга? Аказваецца, рабіць няма чаго…

Купіць квіток

19 кастрычніка (сб), 14:00

Залатое сэрцайка (6+)

Павялічыць выяву

Жанр: інтэрактыўная казка для дзяцей і іх бацькоў
Аўтар і рэжысёр-пастаноўшчык: Святлана Навуменка
Працягласць: 1 г. 10 хв.

Захапляльная гісторыя пра хітрую Лісу і някемлівага Воўка, якія павадзіліся разам спусташаць куратнікі. Аднойчы скралі яны залатое яйка, бо былі ўпэўнены, што з яго з’явіцца цуда-курыца і будзе несці ім залатыя яйкі. Але штосьці пайшло не так…

Купіць квіток

22 кастрычніка (аўт), 19:00

Паляванне на сябе (16+)

Павялічыць выяву

Жанр: не камедыя
Аўтар: Аляксандр Вампілаў (па матывах п’есы «Утиная охота»)
Рэжысёр: Стас Жыркоў (Украіна)

Жыў-быў чалавек з прозвішчам Зілаў. Звычайны чалавек са звычайным прозвішчам. І была ў яго звычайная жонка. Як раптам… ён атрымаў кватэру! Здавалася б, усё ў яго павінна быць добра. Але ён аказваецца замураваны ў лабірынце ўласнай свядомасці. А ў лабірынце гэтым шмат квэст-пакояў, дзе яго чакаюць жонка, палюбоўніца, сябры. З кожным крокам Зілаў заблытваецца ўсё больш. Ці знойдзе ён выхад?

Спектакль «Паляванне на сябе» пра тых, хто лічыць сябе дарослым, а на справе аказваецца дзіцём, якое ўпершыню патрапіла ў такі ​​квэст-пакой уласнага жыцця.

Што гэта будзе? Гумар, гумар, гумар і яшчэ раз гумар, толькі смеху будзе станавіцца не больш, а менш. Бо не заўсёды чалавек смяецца тады, калі хоча.

Купіць квіток

23 кастрычніка (ср), 19:00

Партрэт (16+)

Павялічыць выяву

Жанр: трагіфарс
Аўтар інсцэніроўкі: Святлана Навуменка
Рэжысёр-пастаноўшчык: Аляксандр Гарцуеў
Працягласць: 1 г. 20 хв.

Фантасмагарычная, містычная, гратэскная гісторыя мастака (Чарткова) і яго жыццёвага выбару.

Кожны творчы чалавек хаця б аднойчы ў жыцці сутыкаўся з няпростым выбарам: прысвяціць сваё жыццё таму, для чаго ты быў народжаны, раскрыццю свайго таленту і служэнню высокаму, альбо паддацца спакусе багацця і ўцех.

У спектаклі глядач пабачыць працэс прыняцця гэтага выбару, і чаму ўсё адбываецца так ці інакш. Містыка? Будзе. Інтрыга? Яшчэ якая. Напружанне? Хапае.

Купіць квіток

25 кастрычніка (пт), 19:00

Ліфт (16+)

Жанр: хроніка аднаго злачынства
Аўтар: Юлія Чарняўская
Рэжысёр-пастаноўшчык: Галіна Чарнабаева
Працягласць: 1 г. 40 хв., без антракта

«Зняволеныя» ліфтам, выкладчыца філасофіі Ганна Мікалаеўна і рабаўнік Дымон вымушаны размаўляць паміж сабой. Яна — прыгожая і разумная, не знаходзіць паразумення ні з сынам, ні з мужам, і Дымон — аднагодак яе сына — з дзяцінства пакрыўджаны лёсам.

Купіць квіток

29 кастрычніка (ндз), 19:00

Сірожа (16+)

Павялічыць выяву

Жанр: жыццё ў дзвюх эпохах
Аўтар: Юлія Чарняўская
Рэжысёр-пастаноўшчык: Аляксандр Гарцуеў
Працягласць: 3 г. 30 хв., з антрактам

Юлія Чарняўская: «Сірожа» — гэта гісторыя пра юнацтва маіх аднагодкаў — і пра іх сталасць. Пра ганенне і помсту. Пра тое, як учынкі людзей, зробленыя ў маладосці па дурасці, непрыкметна становяцца ніткамі лёсу, а дробязі ткуць непапраўнасць будучыні. І галоўнае — пра тое, як неабходна прабачэнне. Гэта разуменне таго, чаму галоўны герой стаў тым, кім стаў».

Купіць квіток

30 кастрычніка (ср), 19:00

Білет на брэсцкі цягнік (16+)

Павялічыць выяву

Аўтар: Віталь Каралёў
Рэжысёр-пастаноўшчык: Аляксандр Гарцуеў
Працягласць: 1г. 30хв.

Вадзім — звычайны сучасны малады беларус. Ён шукае сваё месца ў жыцці, жыве з адчуваннем, што ўсё найлепшае адбудзецца з ім не тут і не зараз, а толькі за мяжой, напрыклад, у Маскве. Там яго чакае прэстыжная праца, сапраўднае каханне і шмат надзей на лепшае жыццё. Здаецца, вось яно — здзяйсненне ўсіх яго мараў! Аднак усё аказваецца зусім не так, як ён малюе ў сваіх фантазіях…

Купіць квіток

NN.by

2
дзядзька Віталь / адказаць
29.09.2019 / 09:44
Бачыў "Бетон", "Сіндром Медэі" і "Ліфт". Вельмі крута. Але не для кожнага.
0
vovik21.12 / адказаць
29.09.2019 / 20:36
Смотрел "Синдром Медэи", " Адамовы жарты", " Сирожа". Отметить могу Медэю и Сирожу. В Сироже Добровольский себя сыграл исключительно, но гвоздь спектакля Панемадченко)). Ну кто соберётся, не пожалеет. Спектакли отличные, игра актёров замечательная и красивый белорусский язык. Рекомендую.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31