У Лідскім раёне на торфараспрацоўцы знайшлі больш за 120 снарадаў

З 2 верасня ў Лідскім раёне паблізу вёскі Дакудава працуюць вайскоўцы інжынерна-сапёрнага батальёна вайсковай часці 51171, якая знаходзіцца ў Гродне. Яны выконваюць ачыстку тэрыторыі ад выбухованебяспечных прадметаў.

Неўзабаве тут пачнуцца работы па здабычы торфу, і каб зрабіць працэс больш бяспечным, перад яго пачаткам гэтую мясцовасць абследуюць сапёры.

Як распавядаюць мясцовыя жыхары, у 60-х гадах у гэтым месцы размяшчаўся палігон адной з вайсковых часцей. Гэта тлумачыць той факт, што падчас ачысткі тэрыторыі вайскоўцы інжынерна-сапёрнага батальёна знаходзяць толькі снарады савецкай вытворчасці. За час сваёй працы, якая будзе доўжыцца яшчэ два дні, тут выявілі больш за сто дваццаць выбухованебяспечных прадметаў.

lidanews.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0