Даслаць навіну
Знайсці
11.09.2019 / 19:04 15

«Муж загубіў нашу сям’ю». Жанчына з Кобрына, якая атруцілася грыбамі, расказала сваю праўду

Павялічыць выяву

vk.com

У Кобрыне сям’я з трох чалавек моцна атруцілася грыбамі. Жонка вінаваціць у здарэнні памерлага мужа, які, паводле яе, хацеў такім чынам не дапусціць разводу. Сваякі ж мужчыны называюць яе заявы хлуснёй, піша belsat.eu

Больш за тыдзень таму ў прыёмны пакой Кобрынскай цэнтральнай раённай больніцы самастойна звярнуліся 24-гадовы Павел, ягоная 22-гадовая жонка Марыя з 1,5-гадавалым сынам Міраславам. Паводле пацыентаў, яны елі грыбы, ад чаго ім стала кепска, паведамляе БелТА.

Мясцовае выданне kobrincity.by піша, што сям’я атруцілася бледнымі паганкамі, пераблытаўшы іх з зелянушкамі.

Праз некалькі дзён пасля атручвання мужчына памёр у Берасцейскай больніцы. Ягоныя жонка і дзіця знаходзяцца ў Менску ў рэанімацыі РНПЦ транспланталогіі органаў і тканак. Ім перасадзілі печань, стан абодвух ацэньваецца як цяжкі, паведамляе «Комсомольская правда».

«Муж атруціў і загубіў нашу сям’ю»

Пара знаходзілася ў працэсе разводу. І прайшла ўжо палову тэрміну, адведзенага ім на прымірэнне. Тым не менш, той трагічны вечар муж з жонкай правялі разам. Жанчына ў здарэнні абвінаваціла свайго памерлага мужа.

«Нам ужо лепей, жывыя! Дзякуй маім родным людзям, за клопат, у веру ў нас. Я ледзь пішу, але заўтра ў майго мужа, які атруціў і загубіў нашу сям’ю «дзень памяці». Не верце сайтам ды лжывым звесткам», — напісала яна ў Instagram.

Як расказала маці жанчыны, менавіта муж збіраў і гатаваў грыбы, якія ён з’еў разам з жонкай. Дзіця ж пакармілі грудным малаком.

«Затым Маша з Пашам пайшлі ў клуб, а раніцай дачцэ стала так дрэнна, што яна не магла выклікаць «хуткую». Яе пастаянна ванітавала, яна нават не магла ўстаць з канапы. Паша ў гэты момант знаходзіўся побач, яму таксама было дрэнна, але лекараў ён выклікаў толькі пасля таго, як Маша сказала, што памірае», — распавяла жанчына.

Сама Марыя адзначыла ў каментары Onliner.by, што муж неаднойчы пагражаў скончыць жыццё самагубствам, калі яны расстануцца. Пагражаў забіць і сына.

Сваякі памерлага вінавацяць жонку ў хлусні

Разам з тым сястра памерлага Паўла Альбіна ў каментары belsat.eu назвала абвінавачванні ў адрас свайго брата глупствам.

«Марыя можа нагаварыць усё, што заўгодна. Такі яна чалавек, яе ведае ці не ўвесь Кобрын… Я не ведаю, якія яшчэ версіі яны прыдумае, каб сябе апраўдаць. Гэта поўная лухта», — расказала сястра.

Паводле яе, у памерлага ні ў якім разе не магло быць такіх думак, бо ён быў самы пазітыўны чалавек у сям’і.

Паводле Альбіны, Марыя ўвесь час даставала і абзывала Паўла ды ягоных сваякоў, лічыла, «што яна «каралева» і ёй роўні няма». Версію ж пра наўмыснае атручванне, лічыць яна, жонка высунула таму, што «ведае, што людзі яе загнабяць». На думку Альбіны, гэта не апошняя версія пацярпелай.

Не верыць у самагубства Паўла і ягоная былая аднакласніца Марыя. Паводле яе, памерлы быў вясёлым чалавекам і максімум, што мог зрабіць, — напужаць сваю жонку. Тая ж «заўсёды сябе выстаўляе шчырай». Разам з тым суразмоўца адзначыла, што, калі ў горадзе збіралі грошы на дапамогу сям’і, Маша ўсе грошы забрала сабе.

«Пашу ні капейкі не дала. Хай памірае, сказала», — адзначыла аднакласніца памерлага.

Паводле яе, жонка яшчэ да смерці мужа менавіта яго лічыла вінаватым.

3
user / адказаць
12.09.2019 / 15:03
maha, а как можно так о погибшем муже отзываться? Откуда у неё информация, что он это специально сделал? И не факт, что это он перепутал гриб - собирали-то он их вместе.
2
Андрюха Горец (Беларусь Витебск ) / адказаць
12.09.2019 / 22:18
Брат - как ты мог перепутать ???!!  (((  Ты же не Москвичь какой нибудь  !   Сожалею и Соболезную !!! 
0
хамса / адказаць
13.09.2019 / 01:03
Андрюха Горец (Беларусь Витебск
кого перепутать – жену или трибы?
п.с. а большинство людишек - хлебом не корми - дай только покопаться в чужом грязном белье.. у самих типа все чистое
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31