Губернатар Джорджыі абвясціў пра эвакуацыю з-за ўрагану «Дарыян»

Губернатар амерыканскага штата Джорджыя Брайн Кемп абвясціў пра эвакуацыю ў прыбярэжных акругах з-за ўрагану «Дорыян», які насоўваецца на ЗША. Пра гэта ён паведаміў у сваім твітэры.

Паводле яго слоў, у першую чаргу, неабходна эвакуявацца людзям, якія пражываюць на ўсход ад аўтамагістралі I-95.

Ён адзначыў, што гаворка ідзе пра такія рэгіёны, як Чатэм, Брайн, Лібэрці, Камдэн, Глін і Макінтош.

Да цяперашняга моманту рэжым НС абвясцілі штаты Фларыда, Джорджыя, Паўднёвая і Паўночная Караліна. А нядаўна пра эвакуацыю ўзбярэжжа абвясціў губернатар Паўднёвай Караліны.

Раней паведамлялася, што ўраган «Дарыян» дасягнуў крытычнай адзнакі, а Трамп адмяніў візіт у Польшчу.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0