Лукашэнка пацікавіўся ў Румаса: А што там у адносінах з Расіяй?
kremlin.ru
Аляксандр Лукашэнка сустрэўся сёння з прэм'ер-міністрам Сяргеем Румасам. У якасці галоўнага пытання для абмеркавання кіраўнік дзяржавы вызначыў комплекс беларуска-расійскіх адносін, піша БелТА.
«Хацеў бы абмеркаваць з вамі шэраг пытанняў прынцыповага характару. Перш за ўсё з улікам праведзеных інтэграцыйных мерапрыемстваў на ўзроўні ўрадаў рэспублік постсавецкай прасторы. Якая сітуацыя наогул, калі паглядзець з гэтага пункту, у адносінах з Расійскай Федэрацыяй? Вядома, маючы той комплекс пытанняў і праблем, якія засталіся (хай нават іх няшмат) пасля нашай сустрэчы ў Санкт-Пецярбургу з Уладзімірам Уладзіміравічам (Пуціным).
Якая цяпер сітуацыя, абставіны, ці дапрацаваныя тыя пытанні, якія заставаліся, і на чым зараз спатыкаемся, калі можна так сказаць? Вось гэты комплекс беларуска-расійскіх адносін — галоўнае пытанне», — сказаў Лукашэнка.
