Што за ўнікальны экран з'явіцца ў Voka Cinema і як відэасэрвіс адзначыць пяцігоддзе
З нагоды пераходу да брэнда А1 відэасэрвіс VOKA абвясціў пра змены і планы па далейшым развіцці даступнага карыстальнікам кантэнту. Гэтыя змены адбываюцца напярэдадні пяцігоддзя існавання сэрвісу, якое будзе адзначацца 16 жніўня.
У ноч з 11 на 12 жніўня сталічны мульціплекс velcom cinema ў ГЗЦ Dana Mall змяніў афармленне: з гэтага моманту ён называецца VOKA CINEMA. 16 жніўня — у дзень нараджэння VOKA — ва ўсіх залах абноўленага кінатэатра адбудзецца свята для кліентаў VOKA, якія атрымалі запрашэнні, з паказамі найлепшых карцін з шырокай калекцыі відэасэрвісу. Акрамя таго, VOKA цэлы месяц будзе дарыць падарункі як дзейным кліентам, так і новым. А ўжо зусім хутка ў VOKA CINEMA можна будзе глядзець кіно ў панарамным фармаце: пасля рэканструкцыі адзін з залаў ператворыцца ў першы ў Беларусі кіназала ScreenX.
ScreenX — першая ў свеце тэхналогія мульціпраекцыі для кінатэатраў, якая дае гледачам панарамны агляд на 270 градусаў. Ствараецца максімальны эфект прысутнасці. У дадатак да асноўнага экрана выкарыстоўваюцца два бакавыя, таму карцінка ў літаральным сэнсе акружае гледачоў у зале.
«За пяць гадоў відэасэрвіс VOKA прайшоў шлях ад паслугі для мабільных прылад да буйнога агрэгатар разнастайнага кантэнту. Для нас важна, каб у VOKA як сэрвісу быў уласны твар, вядомы і ўнікальны. Таму, акрамя супрацоўніцтва з вядучымі сусветнымі вытворцамі кантэнту, мы актыўна працуем над уласнымі праектамі, — адзначыў намеснік генеральнага дырэктара кампаніі A1 па лічбавых платформах і кантэнце Антон Бладзік. — Мы пастаянна шукаем новыя шляхі, каб забяспечыць нашым карыстальнікам доступ да самых цікавых навінак у свеце сучаснага лічбавага тэлебачання і кіно. Цяпер, калі пад брэндам VOKA прадстаўлены не толькі анлайн-відэасэрвіс, але і кінатэатр, такіх магчымасцяў у нашых карыстальнікаў стане яшчэ больш».
Адзін з ключавых напрамкаў у рабоце VOKA — стварэнне беларускамоўнага кантэнту, у тым ліку і для паказу на вялікім экране.
З верасня 2019 года сумесна з сеткай кінатэатраў Silver Screen VOKA запускае праект па лакалізацыі фільмаў для беларускага рынку і іх перакладу на беларускую мову. Праект стартуе з прафесійнай беларускай агучкі класічных шэдэўраў сусветнага кінематографа і культавых фільмаў. У перспектыве плануецца пераклад у тым ліку і апошніх кінанавінак, каб паказваць іх у дзень сусветнай прэм'еры. Паказы будуць праходзіць кожны месяц у VOKA CINEMA і ва ўсіх кінатэатрах сеткі Silver Screen у Мінску.
