У Львове хочуць адмыць мясцовых бадзяг, каб яны не пужалі турыстаў

Мэр Львова Андрэй Садавы даручыў сваім падначаленым стварыць умовы для штотыднёвага купання бяздомных, каб яны не пужалі сваім знешнім выглядам турыстаў і мясцовых жыхароў, піша Zaxid.net.

«На вуліцах горада ёсць такая нетыповая сітуацыя, калі на лаўках, асабліва раніцай, адпачываюць людзі, якім няма дзе жыць (…) Я б хацеў, каб вы прадумалі магчымасць для гэтых людзей рэгулярна — хоць бы раз ці двойчы на ​​тыдзень — наведваць лазню ці іншыя ўстановы, дзе яны маглі б памыцца, каб бяздомныя былі ў адэкватным выглядзе», — сказаў Садавы на пасяджэнні выканаўчага камітэта.

Ён дадаў, што па дапамогу з гэтым пытаннем можна звярнуцца да прыватнага сектара ці гатэляў, якія маюць SPA.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0