Лідар галоўнай прарасійскай партыі ва Украіне: Я размаўляю па-руску ў знак пратэсту
Кіраўнік «Апазіцыйнай платформы — за жыццё» Віктар Медзвядчук гаворыць на рускай мове, каб такім чынам «выказаць пратэст», паведамляе ў фэйсбуку яго прэс-служба.
Палітык удакладніў, што хоча падтрымаць людзей, у першую чаргу жыхароў паўднёвага ўсходу Украіны. «Я магу свабодна размаўляць на ўкраінскай мове. Але ў знак пратэсту спецыяльна размаўляю па-руску, каб падтрымаць людзей, асабліва жыхароў паўднёвага ўсходу. Гэта важна для тых, хто разумее, што сутнасць не ў мове. А ў тым, <…> як мы жывём і што нас чакае заўтра», — сказаў Медзвядчук.
Партыя «Апазіцыйная платформа — за жыццё» — прарасійская, па выніках мінулых парламенцкіх выбараў яна сфармуе другую па велічыні фракцыю ў Вярхоўнай Радзе.
Асабліва высокія вынікі «Апазіцыйная платформа — за жыццё» паказала на ўсходзе краіны.
