На пляжы ў Крыме б’е крыніца з га*на ВІДЭА
У феадасійскім Кактэбелі (Крым) каналізацыйныя сцёкі заліваюць прыбярэжную акваторыю аднаго з пляжаў. На відэа на адным з кактэбельскіх пляжаў з-пад галькі ледзь не фантанам б'е чорная вадкасць, якая затым, утвараючы ўжо невялікае азярцо, наўпрост накіроўваецца ў мора.
Выкід каналізацыі адбыўся на пляжы ў самым пачатку кактэбельскай набярэжнай, у раёне вуліцы Дэсантнікаў. Труба, хутчэй за ўсё, належыць адной з забаўляльных устаноў, размешчаных непадалёк.
Праз некалькі дзён пасля здарэння «мэр Феадосіі» Сяргей Баўтуненка заявіў, што «біялагічны аналіз у норме».
Аднак мясцовыя актывісты не паверылі, і адправілі новы запыт. Аказалася, што гранічныя канцэнтрацыі шкодных рэчываў у моры побач з Кактэбелям перавышаныя ў дзясяткі і сотні разоў. Хутчэй за ўсё, у бухту Кактэбель сапраўды зліваюць экскрэменты. Калі не чалавечыя, то каровіны або птушыныя.
Выкіды на пляжы — хранічная праблема Кактэбеля, такія выпадкі здараюцца рэгулярна. Выкліканыя яны незаконнымі забудовамі на пляжы і ўрэзкамі ў каналізацыю.
