На магіле Віктара Каліноўскага ў Свіслачы пачалася эксгумацыя парэшткаў
У Свіслачы на магіле брата Кастуся Каліноўскага, Віктара, пачалі працы па эксгумацыі парэшткаў. Гэта робіцца для таго, каб канчаткова ідэнтыфікаваць парэшткі кіраўніка паўстання 1863 года, піша Hrodna.life.
Гродзенскі праваабаронца, журналіст і публіцыст Уладзімір Хільмановіч назірае з боку грамадскасці за гэтым працэсам. Таксама там прысутнічаюць мясцовыя актывісты. Свіслацкі грамадска-палітычны актывіст Юры Глебік для галоснасці і кантролю над гэтым працэсам з боку грамадства па прапанове Следчага камітэта ўвайшоў у пратакольную групу.
Прадстаўнікі Следчага камітэта паабяцалі, што пасля заканчэння іх місіі магіла Віктара Каліноўскага будзе адноўлена ў тым выглядзе, якой была да пачатку працы.
Прысутнічаюць і прадстаўнікі Літвы, якія заявілі, што хочуць ідэнтыфікаваць Кастуся Каліноўскага, а іншых зачэпак, акрамя як парэшткі ягонага роднага брата, яны не маюць.
