Даслаць навіну
Знайсці
07.07.2019 / 23:39 2

Фэст у Будславе прайшоў з удзелам усіх каталіцкіх біскупаў Беларусі ФОТЫ

Павялічыць выяву

У Будславе завяршыўся фэст Маці Божай Будслаўскай, унесены ЮНЕСКА ў спіс нематэрыяльнай культурнай спадчыны чалавецтва, піша catholic.by.

Павялічыць выяву

Галоўную літургічную цэлебрацыю ў другі дзень урачыстасцяў, 6 ліпеня, узначаліў Мітрапаліт Мінска-Магілёўскі арцыбіскуп Тадэвуш Кандрусевіч, Старшыня Канферэнцыі Каталіцкіх Біскупаў у Беларусі, які сёлета адзначае 30-годдзе біскупскага служэння.

Павялічыць выяву

На пачатку юбіляра прывітаў Генеральны вікарый Мінска-Магілёўскай архідыяцэзіі біскуп Юрый Касабуцкі, які заклікаў усіх удзельнікаў ахінуць сваёй малітвай арцыбіскупа.

Павялічыць выяву

Арцыбіскуп Кандрусевіч засяродзіў увагу на абароне сям’і перад абліччам крызісу, як Богам устаноўленага саюзу мужчыны і жанчыны, адкрытага для прыняцця і выхавання патомства.

«Палова сем’яў у Беларусі разведзена, што негатыўна ўплывае на грамадскі клімат нашай краіны і выхаванне маладога пакалення, якое застаецца без належнай і поўнай бацькоўскай апекі.

Здараецца, што сям’я замест таго, каб быць крыніцай радасці і надзеі для сужонкаў і дзяцей, становіцца «пеклам»», — адзначыў кіраўнік беларускага епіскапату.

Тадэвуш Кандрусевіч з горыччу канстатаваў, што з года на год у нашай краіне пагаршаецца дэмаграфічная сітуацыя.

Павялічыць выяву

Ён звярнуў увагу на яшчэ адну з’яву, што ў апошні час пачынае набіраць абароты ў беларускім грамадстве. 

«Бог стварыў чалавека мужчынам і жанчынай (пар. Быц 1, 27), і гэтым усё сказана. Можна змяніць знешні воблік чалавека, але не яго створаную Богам фізіялогію»,— на падставе аўтарытэту Святога Пісання сцвердзіў іерарх.

«Скрыты вірус» недалёкага савецкага мінулага актывізуецца «вірусам» лібералізму і маральнага рэлятывізму, што вядзе да заняпаду традыцыйных для нашага грамадства хрысціянскіх каштоўнасцяў.

«Чалавецтва без сям’і не мае будучыні і надзеі, — зазначыў арцыбіскуп Кандрусевіч. — Бараніць сям’ю і маральны парадак грамадства — гэта абавязак усіх людзей, рэлігійных арганізацый і дзяржавы».

Павялічыць выяву

«Нягледзячы на праблемы беларускай сям’і, варта адзначыць, што ў нашай краіне ёсць шмат прыкладаў сем’яў, якія будуюць сваю будучыню на хрысціянскіх каштоўнасцях. <…>

Сужонкі ў такіх сем’ях ведаюць, чаму і каму прысвяцілі сваё жыццё: каб служыць і быць вернымі адно аднаму, перадаваць Божы дар жыцця і бараніць яго, выхоўваць патомства на хрысціянскіх традыцыях. Гонар і хвала ім!» — усклікнуў арцыпастыр.

Павялічыць выяву

Беручы пад увагу ўсю сур’ёзнасць сітуацыі, у якой знаходзіцца сучасная беларуская сям’я, кіраўнік беларускага каталіцкага епіскапату заклікаў вернікаў сваім штодзённым жыццём пацвярджаць веру ў Евангелле і вучэнне Касцёла.

Арцыбіскуп Кандрусевіч завяршыў сваю гамілію кароткай малітвай:

«Сёння звяртаемся да Цябе, Апякунка Беларусі і Каралева сем’яў, Божая Маці Будслаўская. Выпрасі ў свайго Сына Езуса Хрыста новы цуд адраджэння беларускай сям’і як крыніцы радасці і надзеі для нашай Бацькаўшчыны, і асабліва для моладзі».

Павялічыць выяву

На заканчэнне ўрачыстасці да вернікаў звярнуўся прадстаўнік папы Францішка ў Беларусі Апостальскі нунцый Габар Пінтэр.

Павялічыць выяву

«З радасцю і ўдзячнасцю Богу я знаходжуся сёння тут разам з вамі, любыя браты і сёстры, у гэтым дарагім марыйным санктуарыі ў Будславе, багатым гісторыяй і верай, куды мы як сыны і дочкі прыходзім сустрэцца з нашай Маці і з нашымі братамі.

Санктуарыі — святыя месцы Касцёла як палявога шпіталя — захоўваюць памяць вернага народа, які і ў нягодах не стамляецца шукаць крыніцаў жывой вады, у якіх можна аднавіць надзею. Гэта месцы святаў і ўрачыстасцяў, слёзаў і маленняў, калі мы прыходзім да ног Маці без шматлікіх словаў, а толькі дазваляючы Ёй глядзець на нас, каб Яна сваім позіркам прывяла нас да Таго, хто ёсць «Дарогай, Праўдай і Жыццём» (Ян 14, 6)», — сказаў арцыбіскуп Габар Пінтэр.

У Будславе зноў прысутнічалі ўсе каталіцкія біскупы Беларусі, прадстаўнік Беларускай Праваслаўнай Царквы, дыпламаты, вялікая колькасць духавенства.

Павялічыць выяву

У працэсіі з пашанаю неслі копію цудатворнага абраза Маці Божай Будслаўскай, а таксама фігуру нябеснага заступніка Касцёла на Беларусі святога Міхала Арханёла.

Павялічыць выяву

Паводле catholic.by

7
Порнаглядач / адказаць
08.07.2019 / 08:07
Вось яно, сумленне Беларушчыны.
11
Соловьиный свист / адказаць
08.07.2019 / 14:47
Ничего не понимаю, мы же русские правосланые люди. И Георгий Скорина был тоже православным человеком.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31