Генпракуратура: Пацярпелая па справе святара Бурыкіна — яго дачка

Сёння на прэс-канферэнцыі намеснік генпракурора Аляксей Стук паведаміў, што пацярпелая па справе Бурыкіна, якога яшчэ называлі «бацюшка са свастыкай», — яго старэйшая дачка, піша Tut.by

— Гэтыя падзеі былі з 2012 па 2016 год, а дачка 1999 года нараджэння. 6 чэрвеня было заведзена крымінальная справа па ч. 3 арт. 167, — паведаміў Аляксей Стук.

Па словах намесніка генпракурора, дзяўчына ўжо стала даваць паказанні. Журналісты адзначылі, што раней дачка бараніла бацьку.

— Яна баялася, ён досыць дэспатычны чалавек, — адзначыў Стук.

Нагадаем, сёння стала вядома, што Канстанцін Бурыкін стаў фігурантам новага разгляду. Заведзена крымінальная справа аб гвалце над заведама малалетнім. Яму пагражае ад васьмі да пятнаццаці гадоў пазбаўлення волі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0