Даслаць навіну
Знайсці
24.06.2019 / 15:44

Суд па справе аб выбуху на «Гродна Азоце»: майстар цэха не вінаваты ў гібелі рабочых

Павялічыць выяву

У Гродне скончыўся суд над майстрам цэха ААТ «Гродна Азот», які абвінавачваўся ў парушэнні правілаў пажарнай бяспекі, што пацягнула па неасцярожнасці смерць чалавека. Мікалай Саўль прызнаны невінаватым і апраўданы за адсутнасцю ў яго дзеяннях складу злачынства, піша Tut.by.

Суд па выбуху на «Азоце» пачаўся яшчэ ўлетку 2017 года. Абвінавачаны быў толькі адзін — майстар па рамонце тэхналагічнага абсталявання Мікалай Саўль, у падпарадкаванні якога знаходзіліся 14 чалавек. Мужчына абвінавачваўся ў парушэнні правілаў пажарнай бяспекі, што пацягнула па неасцярожнасці смерць чалавека.

Яму пагражала да сямі гадоў пазбаўлення волі.

Шкода прадпрыемству ацанілі амаль у 94 тыс. рублёў.

Пацярпелыя, а іх шасцёра, не прад'яўлялі матэрыяльных прэтэнзій да Саўля.

Мікалай Саўль з абвінавачваннем быў не згодны і распавядаў, што з 2013 года ён працаваў майстрам па рамонце, да гэтага некалькі гадоў працаваў на «Гродна Азоце» мантажнікам. Казаў, што свае службовыя абавязкі ведаў і выконваў.

24 чэрвеня 2019 года крымінальная пераслед мужчыны быў спынены. Суд прыйшоў да высновы, што ў дзеяннях майстра цэха адсутнічае склад злачынства. Прысуд у законную сілу не ўступіў і можа быць абскарджаны і апратэставаны.

Надзвычайнае здарэнне адбылося на прадпрыемстве 6 чэрвеня 2016 года. Пры правядзенні агнявых работ (рамонтнікі распілоўвалі пры дапамозе газавага абсталявання металічныя канструкцыі) іскры трапілі на гідраксіламінсульфат. У выніку прадуктамі яго тэрмічнага раскладання атруціліся і пазней памерлі двое рабочых, яшчэ трое былі шпіталізаваны.

Загінулыя - хлопцы, якія займаліся будаўнічымі работамі ў адным з цэхаў прадпрыемства. Ім было 35 і 28 гадоў. Відавочцы казалі, што задымленне адбылося з-за выбуху пароў, якія сабраліся ўнутры цэнтрыфугі, якую яны рамантавалі.

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31