Лукашэнка ў Бішкеку сустрэўся з Пуціным, абмеркавалі пытанні інтэграцыі
Шэраг двухбаковых сустрэч Аляксандра Лукашэнкі з замежнымі лідэрамі адбыўся на палях саміту ШАС у Бішкеку, піша БелТА.
Яшчэ да пасяджэння Савета кіраўнікоў дзяржаў у пашыраным складзе розную актуальную праблематыку кіраўнік Беларусі абмеркаваў з прэм'ер-міністрам Індыі Нарэндра Модзі. Адбылася таксама сустрэча з прэзідэнтам Афганістана Ашрафам Гані.
Пасля завяршэння афіцыйнай часткі саміта адбылася сустрэча Аляксандра Лукашэнкі са Старшынёй Кітая Сі Цзіньпінам і прэзідэнтам Расіі Уладзімірам Пуціным
Паводле словаў Пяскова, Пуцін і Лукашэнка абмеркавалі пытанні двухбаковага ўзаемадзеяння.
Пяскоў дадаў, што лідары маюць намер правесці двухбаковую сустрэчу ў найбліжэйшы час.
Пяскоў падкрэсліў, што ў ходзе перагавораў абмяркоўваліся пытанні інтэграцыі.