Сёлета на ЦТ па беларускай мове запісалася каля 29% абітурыентаў
1 чэрвеня завяршылася рэгістрацыя на цэнтралізаванае тэставанне. Здаваць ЦТ плануюць 76 888 чалавек, распавялі Tut.by у Міністэрстве адукацыі.
Больш за ўсё абітурыентаў зарэгістравалася на рускую мову — каля 63 тысяч чалавек. На беларускую — у тры разы менш: яе плануюць здаваць крыху больш за 22 тысяч выпускнікоў.
Другі па папулярнасці прадмет — матэматыка: прайсці тэсціраванне па гэтым прадмеце хочуць крыху больш за 42 тысячы абітурыентаў.
На англійскую мову зарэгістравалася 26 635 абітурыентаў, на біялогію — больш за 25 тысяч, на фізіку — амаль 25 тысяч чалавек.
Найменш папулярныя прадметы — іспанская і кітайская мовы.
Цэнтралізаванае тэсціраванне будзе праходзіць з 11 чэрвеня па 1 ліпеня. Першымі будуць здаваць ЦТ тыя, хто абраў беларускую мову, апошнімі — сусветную гісторыю.
