Даслаць навіну
Знайсці
25.05.2019 / 11:04 5

Леаніду Барткевічу — 70. Пяць фактаў пра песняра

Голас Леаніда Барткевіча, аднаго з салістаў ансамбля «Песняры», знаёмы мільёнам беларусаў. Гэта ён спяваў «Александрыну», «Вераніку», «Белоруссію». Барткевіч дагэтуль кіруе аднымі з «Песняроў», што ўтварыліся пасля смерці Уладзіміра Мулявіна. Ніжэй— некалькі фактаў пра яго.

Спраектаваў кінатэатр у цэнтры Мінска

Паводле адукацыі Барткевіч — архітэктар. Ён вучыўся ў Мінскім архітэктурным тэхнікуме і паспеў нават трохі папрацаваць па спецыяльнасці, перш чым канчаткова сысці ў музыку. Мінскі кінатэатр «Кастрычнік» спраектаваны, між іншым, паводле яго дыпломнага праекту.

Хваліўся, што быў каханкам Пугачовай

У адным інтэрв'ю Леанід Барткевіч расказаў, як вандроўная гастрольная доля звяла яго ў адным гатэлі з узыходзячай савецкай поп-зоркай Алай Пугачовай. І намякнуў, што яны правялі ноч разам. Пугачова ж у адказ называла Барткевіча фантазёрам.

Ажаніўся з алімпійскай чэмпіёнкай

Гэта была зорная пара: «пясняр» Леанід Барткевіч і гімнастка Вольга Корбут.

Павялічыць выяву

Навіна пра іх шлюб спараджала самыя фантастычныя чуткі: напрыклад, згодна з гарадской легендай, Машэраў дазволіў ім згуляць вяселле на сваёй дачы ў Драздах.

Грамадзянін Беларусі і ЗША

Павялічыць выяву

У 90-я Барткевіч зрабіў супольны праект з беларуска-амерыканскім спеваком Данчыкам.

У канцы 1980-х Барткевіч з сям'ёй з'ехаў у ЗША. Амерыканскае жыццё не склалася: з Вольгай Корбут яны развяліся, сын трапіў у турму за падробку даляраў. Праз 11 гадоў Барткевіч вярнуўся ў Беларусь.

Павялічыць выяву

Каго толькі не даводзілася сустракаць! З Шварцэнегерам.

Мае рэцэпт, як перавесці беларусаў на сваю мову

«За поўгода ўсе беларускія дзеці размаўлялі б на роднай мове абсалютна чыста. Павесіў бы ўкожнай сям’і рэпрадуктар на сценку, і беларускі канал трансляваў бы з раніцы да вечара. Прымусіць дзяцей слухаць мы не зможам, але гэта будзе адбывацца міжвольна.

Я такі эксперымент прарабіў са сваімі заакіянскімі ўнукамі — яны мовы не ведалі, а праз тры месяцы загаварылі толькі таму, што матчына мова доўбіць па галаве і ў ёй затрымліваецца тое, што трэба», — казаў Барткевіч у інтэрв'ю.

СМ

2
mikola ramanau / адказаць
25.05.2019 / 10:57
Fantazior ...adnak !..Zdarou*ja....Udaczy !
2
Вецер валос. / адказаць
25.05.2019 / 11:24
Віншую з Днем нараджэння!!!
1
padbiarez / адказаць
26.05.2019 / 12:30
Калі не памыляюся, будынак к/т "Кастрычнік" --тыповы. Не насьцярожвае, што студэнт тэхнікума праектаваў такі будынак?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30