Даслаць навіну
Знайсці
14.05.2019 / 17:24 10

Гродзенцу, які рэпостнуў кліп Rammstein, вынеслі прысуд

Гродзенец Андрэй Галавенка распавёў Hrodna.life, што яшчэ ў пачатку мая крымінальную справу закрылі, а замест яе пачалі адміністрацыйную. У выніку за репост кліпа Rammstein ён атрымаў штраф — 1275 рублёў (50 базавых велічыняў).

Павялічыць выяву

Чытайце таксама: У Гродне распачалі крымінальную справу за рэпост кліпа Rammstein

Кліп Pussy нямецкага гурта Rammstein Андрэй размясціў на сваёй старонцы ў верасні 2014 года. Праз 4,5 гады, 21 мая 2019-га, аддзел культуралагічных экспертыз Дзяржкамітэта судовых экспертыз прызнаў кліп забароненым да распаўсюджвання з-за ўтрымання парнаграфічных сцэн.

На падставе экспертызы Следчы камітэт пачаў крымінальную справу па ч.2 ст.343 КК (выраб і распаўсюд парнаграфіі). За гэта пагражае ад 2 да 4 гадоў пазбаўлення волі.

«З-за тэрміну даўніны справу перавялі ў адміністрацыйную. Таксама мой працадаўца даў станоўчую характарыстыку з месца працы, — распавядае Андрэй. — У выніку 10 мая мне агучылі прысуд: абышлося штрафам у памеры 50 базавых. Прыйшлося яшчэ заплаціць за выдаткі суда і за праведзеную экспертызу. Добра, што ўсё так скончылася».

Усе сабраныя грошы пайшлі на адваката і штраф

Калі інфармацыя пра крымінальную справу стала публічнай, Андрэя падтрымалі многія беларусы. Хлопец прасіў дапамагчы сабраць грошы на адваката.

«Вялікі дзякуй усім тым, хто мне дапамог. Я не думаў, што людзі адгукнуцца і падтрымаюць мяне ў цяжкую хвіліну. Гэта вельмі прыемна, што ў нас ёсць такія людзі. Нават прадстаўнікі групы Rammstein выходзілі на мяне і гатовыя былі дапамагчы, але на той момант дапамога ўжо не была патрэбная. Усе сабраныя сродкі пайшлі на адваката і на пагашэнне штрафу. Раю ўсім на будучыню глядзець, што дадаваць у сацыяльныя сеткі. За ўсімі намі сочаць», — сказаў Андрэй.

Руслан Кулевіч, Hrodna.life

3
mikola ramanau / адказаць
15.05.2019 / 08:50
Dobra zrabili.............
0
Szcz / адказаць
15.05.2019 / 10:57
Конченое судилице
0
алесь менски / адказаць
15.05.2019 / 21:51
так и я могу
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31