Першыя прысуды за крадзеж зброі ў Баранавіцкім гарнізоне — палкоўніка пасадзілі на 4 гады

Суд Баранавіцкага раёна 4 мая вынес прысуд двум фігурантам крымінальнай справы аб незаконных дзеяннях са зброяй і боепрыпасамі. Гаворка пра гучныя крадзяжы ў адной з часцей Баранавіцкага гарнізона.

Як паведамляе прэс-служба Брэсцкага абласнога суда, адзін з абвінавачаных на момант злачынства быў вайскоўцам, меў званне палкоўніка. Ён незаконна набыў у іншай асобы два пісталеты Макарава і аўтамат Калашнікава з патронамі. Зброю палкоўнік захоўваў, перавозіў і насіў пры сабе — незаконна.

Яму прысудзілі 4 гады калоніі і пазбавілі звання «палкоўнік».

Другі абвінавачаны незаконна захоўваў у кватэры аўтамат Калашнікава, пісталет Макарава з патронамі. Яму прысудзілі 2 гады калоніі.

Прысуд у законную сілу не ўступіў і можа быць абскарджаны.

Чытайце:

Выносілі аўтаматы і гранаты на продаж: падрабязнасці засакрэчанай справы, якая можа каштаваць пасады некалькім міністрам

Зброю вывезлі ў Расію — новыя падрабязнасці справы аб крадзяжы аўтаматаў у Баранавічах. Затрыманыя 20 чалавек

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0