З Мінскага РУУС пачалі вызваляць затрыманых каля Курапатаў
Затрыманьне кіраўніка «Маладога Фронту» Дзяніса Урбановіча ля Курапатаў. На момант публікацыі Урбановіч застаецца затрыманым.
А 21-й гадзіне 4 красавіка вызвалілі Піліпа Шаўрова і Валера Рабцава. Гадзінай раней вызвалілі Валянціну Яроменак. Частка затрыманых знаходзіцца ў ізалятары часовага ўтрыманьня, паведамляе «Радыё Свабода».
Піліп Шаўроў сказаў Свабодзе, што на іх склалі пратакол паводле артыкула 17-1 — гэта дробнае хуліганства. Нібыта «перашкаджалі працы будаўнікоў з прадпрыемства «Заслаўебудіндустрыя», размахвалі рукамі і крычалі».
Ім адразу ўручылі позвы ў суд на 18 і 19 красавіка. Паводле Шаўрова, зь імі размаўляў начальнік РУУС.
«Нам сказалі, што хутка ўсіх вызваляць. Пакуль мы чакаем сяброў каля будынку Менскага РУУС на вуліцы Скарыны», — сказаў Піліп Шаўроў.
Таксама стала вядома, што Зміцер Дашкевіч таксама цяпер на волі.
