Сіноптыкі распавялі, якім будзе надвор'е ў першы тыдзень красавіка
Фота Сяргея Гудзіліна
Да выходных ападкаў не чакаецца, па начах будзе падмарожваць, але днём пры малавоблачным надвор'і паветра будзе прагравацца. Пра гэта Tut.by паведамілі ў Белгідрамеце.
У аўторак, 2 красавіка, умовы надвор'я будзе вызначаць антыцыклон, сфарміраваны ў прахалоднай паветранай масе. Будзе без ападкаў. Тэмпература паветра па краіне ноччу пры ясным небе панізіцца да -2 … 8°С, максімальная тэмпература днём + 7 … 12°С.
У сераду і чацвер, 3 і 4 красавіка, — без ападкаў, днём у заходніх раёнах парывісты вецер. Тэмпература паветра па Беларусі мінімальная ноччу ў асноўным -4 … + 2°С, ва ўсходніх раёнах месцамі паветра астудзіцца да -6°С, максімальная тэмпература днём + 8 … 13°С, па паўднёвым захадзе краіны паветра прагрэецца да +14 … 15°С.
5 красавіка, у пятніцу, пераважна без ападкаў. Тэмпература паветра мінімальная ноччу ў асноўным складзе -4 … + 2°С, па паўднёвым захадзе Беларусі яна не апусціцца ніжэй + 4°С, максімальная тэмпература днём +7 … 14°С.
