Даслаць навіну
Знайсці
12.03.2019 / 09:43 8

Памёр беларускамоўны праваслаўны святар Андрэй Парфенчык. Ірына Халіп: Ён забяспечваў нас садавіной і гароднінай, калі мой муж быў зняволены

Павялічыць выяву

Фота з фэйсбука а. Андрэя Парфенчыка.

Ад цяжкай, невылечнай хваробы зусім маладым памёр беларускамоўны праваслаўны святар Андрэй Парфенчык. Яму не было яшчэ і сарака. Ён служыў настаяцелем прыхода св. Аляксандра Каманскага ў Палерма (Італія), а перад тым — 9 гадоў быў настаяцелем у Клецку. Ён быў родам з Мінску і належаў да плеяды маладых святароў, якая вырасла ўжо ў незалежнай Беларусі і даражыла сваёй беларускасцю.

Восенню 2018 года італьянскія дактары паставілі айцу Андрэю дыягназ — адэнакарцынома ў падстраўнікавай залозе, 4-я стадыя. Дактары зрабілі ўсё магчымае, каб захаваць святару жыццё, але апошнім часам маглі толькі палягчаць пакуты хворага. Сям'я Андрэя Парфенчыка вырашыла перавезці яго на радзіму, у Беларусь, каб працягнуць лячэнне ў рэспубліканскім анкалагічным цэнтры ў Бараўлянах. Перавозка каштавала 5000 еўра. Італьянская медыцынская страхоўка не магла пакрыць выдаткі, а магчымасці аформіць беларускую страхоўку ўжо не было.

Фота з фэйсбука праваслаўнай грамады Палерма.

Патрэбную суму сабралі за пяць дзён. 1 сакавіка айцец Андрэй вярнуўся ў Мінск, але пражыў нядоўга.

Ірына Халіп пісала тыдзень таму ў сваім фэйсбуку: «Сябры, я хачу папрасіць у вас дапамогі вельмі добраму чалавеку. Яго завуць Андрэй Парфенчык. Айцец Андрэй. Калі мы пазнаёміліся, ён быў настаяцелем парафіі ў Клецку. Было лета 2011 года, мяне толькі выпусцілі з-пад варты, мужа этапавалі ў калонію. І неяк вечарам мне патэлефанаваў айцец Андрэй. Я спачатку не магла зразумець, навошта спатрэбілася клецкаму святару, калі не маю дачынення да праваслаўя. А ён тэлефанаваў проста падтрымаць. ён маліўся за палітвязняў разам са сваімі прыхаджанамі ў храме. Прывозіў мне фермерскую гародніну і садавіну ад сваіх прыхаджан. Пасля нашых вечаровых тэлефонных размоваў я разумела, што ў мяне з'явіўся выдатны сябар, які добраахвотна ўзяў на сябе яшчэ і функцыю псіхатэрапеўта. Без яго мне было б значна цяжэй справіцца з тагачасным кашмарам».

Павялічыць выяву

nn.by

0
Максим Дизайнер / адказаць
12.03.2019 / 12:52
Царство небесное святому отцу.
1
Skarbnik / адказаць
12.03.2019 / 14:10
Мая цешча, якая жыве ў Клецку і сваімі поглядамі блізкая да агнастыцызму, некалькі гадоў наведвала Пакроўскую царкву, бо там служыў айцец Андрэй. Гэта быў рэдкі выпадак, калі беларускі праваслаўны святар мае прагрэсіўныя погляды і не хавае іх. У грамадзе праваслаўных вернікаў мястэчка нават адбылося размежаванне. Людзі з сучаснымі поглядамі хадзілі ў далёкую царкву, што месцілася на старых могілках, каб паслухаць ягоныя казані. А ўсе астатнія – абыякавыя і прыхільнікі “рюсского міра” перасунуліся да айца Фёдара ў цэнтральную царкву, былы кляштар дамініканаў, на які той начапіў недарэчныя цыбуліны.
0
Святлана / адказаць
12.03.2019 / 21:10
Шчырыя спачуванні родным і блізкім. Была знаёма з айцом Андрэем. Удзельнічала ў сустрэчы, якую арганізоўваў айцец Андрэй у Клецку з пісьменнікам У.Арловым. Светлы быў чалавек... Вельмі шкада...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
люты сакавік красавік
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31