Даслаць навіну
Знайсці
05.01.2019 / 17:34 9

У Баранавічах міліцыянт з табельнай зброі застрэліў сабаку

Увечары 3 студзеня ў адным з прыватных двароў на вуліцы Дзекабрыстаў у Баранавічах нічыйны сабака пачаў кідацца на гаспадара дома. Мужчына выклікаў міліцыю — супрацоўнікам міліцыі давялося застрэліць агрэсіўнага сабаку, каб не дапусціць трагедыі, піша «Наш край».

Нічыйны сабака з'явіўся ў прыватным сектары за некалькі дзён да таго, што адбылося.

— Спачатку мы бачылі гэтага сабаку каля брамкі нашых суседзяў. У іх вароты і брамка зачыняюцца на замок, двор абнесены вельмі высокім парканам, так што трапіць унутр сабака не мог. Так і праляжаў некалькі дзён побач, — распавяла Наталля, гаспадыня дома, у якім адбыўся інцыдэнт. — Прыкладна ў абед 2 студзеня мы з мужам убачылі гэтага сабаку ў нашым двары. Праз брамку ён ўвайсці не мог — хутчэй за ўсё, пераскочыў праз паркан.

Па словах Наталлі, спачатку сабака паводзіў сябе больш-менш спакойна, хоць і пачынаў рыкаць і выскаляць зубы кожны раз, калі да яго хтосьці спрабаваў падысці. Муж Наталлі некалькі разоў спрабаваў вывесці жывёліну з двара, але не здолеў: сабака не падпускаў да сябе ні на крок.

Наталля таксама кажа, што тэлефанавала на спецаўтабазу, прасіла прыехаць і забраць сабаку, але ёй адказалі, што служба працуе ў пэўныя дні, а сёння ў яе выхадны.

— Мне сказалі: калі раптам сабака пачне паводзіць сябе вельмі агрэсіўна і будзе кідацца на людзей, тэлефанаваць у міліцыю, — распавядае Наталля.

Увечары 3 студзеня гаспадары дома наогул не маглі выйсці ў двор. Як толькі адчыняліся ўваходныя дзверы, сабака тут жа падбягаў і пачынаў гучна брахаць, скаліць зубы, рыкаць і кідацца ў бок людзей.

— Мужу нічога не заставалася, акрамя як патэлефанаваць у міліцыю. Супрацоўнікі міліцыі застрэлілі сабаку, — распавядае Наталля. — Гэта быў вымушаны захад: калі б не рэальная небяспека, калі б мы не баяліся за сваё жыццё, то самі б пастараліся выправадзіць жывёліну з двара. Мы з мужам любім жывёл: у нас у двары жывуць чатыры каты, двух з якіх мы падабралі на вуліцы і пакінулі ў сябе. Я дагэтуль не магу прыйсці ў сябе пасля таго, што здарылася.

Наталля Смірнова, «Наш край»

7
Орк / адказаць
05.01.2019 / 23:47
Так чеснок это троль
0
микола / адказаць
06.01.2019 / 09:02
Поэтому  должно  быть  обязательное  чипирование,  что  бы  хозяин  нёс  ответственность  за  своего  питомца.  Только  чипы  должны  быть  доступны  по  цене,  а  то  в  нашей  стране  всё  через  зад.
4
Ян Севярын Бакей / адказаць
06.01.2019 / 10:56
па логіцы некаторых тут , валачашчы сабака (магчыма, хворы на шалёнства,дарэчы) мае правы вышэйшыя за чалавека і гаспадара дома. І толькі калі сабака ( "невінное жівотное") не проста стане кідацца з відавочнай агрэсіяй, але дабярэцца да сваёй ахвяры і адгрызе паўнагі, скажам, то тады можна "выклікаць адпаведныя службы" (хаця ў іх -"сёньня выхадны", так што ратуйцеся як хочаце...). 
Хто б агучыў статыстыку нападаў зграй валацужных сабакаў на выпадковых прахожых, га? Не хочаце? а вось ў маім невялічнім гарадку напрыканцы мінулага года было некалькі выпадкаў: дваровых ,на ланцугу пры хатах, сабакаў парвалі насьмерць... грашылі на ваўкоў, а калі застрэлілі прыхадня , выявілася - валацужная аўчарка.  Як, Часнок, хацелі б сустрэцца ўначы на цёмнай вуліцы з такім "невінным жівотным"? у Вас заўсёды пад рукою шпрыц са снатворным?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31