16-гадовы падлетак з Барысава друкаваў грошы на прынтары і плаціў імі ў аўтобусах і маршрутках
Дома ў хлопца ляжалі аддрукаваныя купюры $100 і $50, але разлічыцца валютай ён яшчэ не паспеў, піша kp.by.
Самай уважлівай была кандуктарка ў гарадскім аўтобусе. Хлопец разлічыўся за праезд 50-рублёвай купюрай. Калі кандуктар пералічвала выручку, засумнявалася ў сапраўднасці банкноты. І нездарма: пасажыр раздрукаваў яе на прынтары.
Літаральна праз паўгадзіны ў міліцыю паступіла яшчэ адно паведамленне. На гэты раз ад кіроўцы маршруткі. Мужчына прыйшоў у абменнік, каб праверыць 50-рублёвую купюру. Вынік той жа: фальшывая.
Міліцыя даведалася яшчэ аб двух выпадках, як малады чалавек разлічваўся ў маршрутках надрукаванымі пяцідзясяткамі. Адзін кіроўца адразу заўважыў, што грошы несапраўдныя, другі засумняваўся пазней.
— Вызначыць асобу падазраванага ў фальшываманецтве ўдалося 17 снежня. Быў затрыманы 16-гадовы навучэнец аднаго з барысаўскіх каледжаў, — распавялі ў міліцыі.
Дома ў хлопца знайшлі аддрукаваныя рублёвыя пяцідзясяткамі і дваццаткі. Падобна на тое, хлопец рыхтаваўся да пакупак больш сур'ёзных і ўжо раздрукаваў і валюту — $50 і $100.
— Якасць падробак была не вельмі добрай. Пры мінімальнай увазе прыкметы фальшывак можна было распазнаць няўзброеным вокам, — кажуць у міліцыі. — Улічваючы гэта, зламыснік імкнуўся збываць падробленыя грошы ў гадзіну пік у грамадскім транспарце. Яшчэ адзін фактар, на які ён звяртаў увагу, — слабая асветленасць салона.
