Беларускі выстаўляюць у інтэрнэт свае спевы, каб прабіцца ў расійскі гурт «Серебро» ВІДЭА
У канцы лістапада на афіцыйнай старонцы групы Макса Фадзеева «Серебро» з’явілася інфармацыя пра тое, што сённяшні склад працягвае сваю дзейнасць да лютага 2019 года і распадаецца.
Салістка Вольга Сярабкіна распавяла, што будзе шчыльна працаваць над сваім сольным праектам Molly, іншыя дзяўчаты таксама, хутчэй за ўсё, застануцца ў музыцы, але ўжо ў іншых амплуа.
Адразу ж пасля гэтай навіны прадзюсар Макс Фадзееў аб’явіў новы кастынг: спачатку трох новых вакалістак збіраліся шукаць да 4 снежня, але ў працэсе было вырашана працягнуць кастынг яшчэ на 2 дні. Прычыны на тое дзве: па-першае, вялікая колькасць удзельніц (больш 20 тысяч), па-другое, тое, што да кастынгу падключыліся лэйблы з Іспаніі, Францыі і Італіі, прапанаваўшы Фадзееву сваіх артыстак. Праўда, прадзюсар адзначыў, што хацеў бы, каб у гурце спявалі дзяўчаты з Расіі, бо «мы ж можам».
Разам з гэтым паспрабаваць свае сілы ў кастынгу вырашылі дзяўчаты не толькі з Расіі. Відэаспевы ў інтэрнэт выкладаюць і артысткі з Украіны, Казахстана, Ізраіля, Беларусі і іншых краін.
Мы знайшлі некалькіх прэтэндэнтак на месца ў абноўленым гурце. Падтрымайце зямлячак лайкамі!
Цікава, што сёння Максім Фадзееў выклаў у свой інстаграм важную заўвагу-пажаданне да ўсіх удзельніц кастынгу:
«Мы бачым надзіманыя вусны, цыцкі, пераробленыя твары, насы… Але мы шукаем натуральных дзяўчат! Навошта вы гэта робіце? Гэта ж не падабаецца мужчынам! Дасылайце нам не свае вусны, а галасы і таленты».
