Міністр аховы здароўя: Сур'ёзнай эпідэміі грыпу не чакаецца. Дый лекаў у аптэках дастаткова
Міністэрства аховы здароўя не прагназуе сур'ёзнай эпідэміі грыпу ў гэтым сезоне, паведаміў у праграме «Контуры» на тэлеканале АНТ міністр аховы здароўя Валерый Малашка, піша БЕЛТА.
Міністр лічыць, што «эпідэмія не павiнна быць сур'ёзнай». Ён не сумняваецца, што ў Беларусі будуць дасягнуты аптымальныя лічбы прышчэпленасці насельніцтва. У той жа час аптэкі гатовыя да магчымага ўсплёску захворвання. «Фармацэўтычныя сеткі — як дзяржаўнай сістэмы фармацыі, так і прыватныя — гатовыя. У іх дастаткова лекавых прэпаратаў, якія зарэзерваваны на выпадак сур'ёзных уздымаў захворвання і наяўнасці ўскладненняў», - сказаў Валерый Малашка.
Ўздым захворвання на грып у Беларусі чакаецца ў канцы студзеня - пачатку лютага. Міністр запэўніў, што цэны ў аптэках у гэты час не павысяцца - яны знаходзяцца пад пастаянным кантролем.