Прыйшоў у госці і ледзь не забіў сякерай гаспадара

Такі выпадак адбыўся ў пасёлку Моладзь пад Гомелем, паведамляе прэс-служба МУС. 

9 жніўня 41-гадовы беспрацоўны жыхар Гомеля ў двары дачнага дома пасварыўся з яго гаспадаром-пенсіянерам. Эмоцый дадавала тое, што госць быў п'яны. Ашалеўшы, ён паспрабаваў забіць гаспадара сякерай. Пацярпелы з чэрапна-мазгавой траўмай трапіў у бальніцу. А нападнік — у міліцыю.