Даслаць навіну
Знайсці
18.06.2018 / 15:18 6

Топ-5 свежых летніх кактэйляў з квасам — ФОТАрэцэпты

Квас — традыцыйны беларускі напой, які спрадвеку быў нязменным складнікам святочных і будзённых застолляў. Амаль у кожнай беларускай сям’і быў свой сакрэт стварэння гэтага напою, што бадзёрыў падчас працы і асвяжаў у спёку.

Сёння мы набываем яго у крамах, у бочках на разліў і пры гэтым ужываем наўпрост, у некранутай кансістэнцыі. Не ўсе ведаюць, што калі дадаць у квас крыху іншых інгрэдыентаў, то можна стварыць найсмачнейшы кактэйль.

Разам з квасам «Хатні» і бармэнам бара «На пляжы» эксперыментуем з формамі ды складнікамі і прапануем вам пяць летніх кактэйляў на аснове квасу. Спадабаюцца як дарослым, так і дзецям — праверана.

У якасці непадкупных дэгустатараў выступяць Валерыя Кулак і яе 5-гадовая дачка Ксюша. Для таго, каб трапіць на нашу квасную вечарыну, сям’я пераадолела няблізкі шлях з Віцебска ў Мінск: Кулакі жывуць там у сваякоў, пакуль дабудоўваецца іх новы дом пад Мінскам.

Павялічыць выяву

Ксюшы не прывыкаць выступаць у якасці мадэлі: дзяўчына не раз брала ўдзел у рэкламных здымках дзіцячага адзення.

Рэцэпт № 1: Чорная карова

Вам спатрэбяцца:

  • квас «Хатні Цёмны», 250 мл;
  • ванільнае марожанае, 50 гр.;
  • шакаладны сіроп, 1 ст. л.

Павялічыць выяву

Змешваем усе інгрэдыенты ў адной тары. Пры жаданні — дасягаем больш аднароднай кансістэнцыі пры дапамозе блэндара. Разліваем па кубках. Калі душа просіць халадку, дадаём лёду.

Павялічыць выяву

За кошт адсутнасці фарбавальнікаў і араматызатараў квас «Хатні» ў якасці асновы для кактэйляў падыходзіць ідэальна: натуральныя складнікі не перабіваюць смак іншых інгрэдыентаў і дазваляюць смела частаваць напоямі дзетак.

Меркаванне дэгустатараў:

— Ого, быццам бы хтосьці квас наліў! — кажа Ксеня. На густ дзяўчынкі, якая любіць салодкае, такі напой кіславаты, але калі дадаць туды больш марожанага, то прыйшоўся б якраз.

Павялічыць выяву

— А мне пітво на смак нагадвае нейкі пірог, тыпу шарлоткі. Падагрэць бы і зрабіць яго цёплым — выйдзе выдатны кактэйль на зімовыя святы, — дадае Валерыя.

Павялічыць выяву

Рэцэпт № 2: Яблычны

Вам спатрэбяцца:

  • квас «Хатні Цёмны», 150 мл;
  • яблычны сок, 50 мл;
  • карыца;
  • мёд на смак.

Павялічыць выяву

Змешваем і разліваем па келіхах.

Павялічыць выяву

Валерыя кажа, што кактэйль атрымаўся ні чым не горшы за папулярныя алкагольныя напоі. Смачна і без шкоды для арганізма. Ксеня ацаніла спалучэнне любімага ёй яблычнага соку з квасам і паставіла другому кактэйлю тлусты лайк.

Павялічыць выяву

Рэцэпт № 3: Квасная сангрыя

Вам спатрэбяцца:

  • квас «Хатні спраўны», 250 мл;
  • нектарын;
  • яблык;
  • лімон;
  • апельсін;
  • мята;
  • мёд.

Павялічыць выяву

Фрукты наразаем на кавалачкі, дадаём некалькі лісцікаў мяты, мёд на смак. Заліваем усё гэта буянства фарбаў ды пахаў квасам і даём настаяцца прыблізна з гадзіну. Пасля гэтага можна дадаткова астудзіць напой лёдам.

Павялічыць выяву

Павялічыць выяву

У чароўных руках шэф-бармэна «На пляжы» Вячаслава Палаўца ў фінальным выглядзе кактэйлі нагадваюць сапраўдны аб’ект мастацтва.

Павялічыць выяву

Што думаюць нашы дэгустатары?

— Вельмі свежы, насычаны смак. Сапраўды падобны да лёгкай сангрыі ці да ліманаду. Класна спаталяе смагу.

Павялічыць выяву

Рэцэпт № 4: Мятны кактэйль з клубніцамі

Вам спатрэбяцца:

  • квас «Хатні Цёмны», 250 мл;
  • мята;
  • клубніцы;
  • лёд.

Павялічыць выяву

Наразаем клубніцы на кавалкі. Заліваем іх квасам і дадаём у напой мяту на смак. Гатова!

Павялічыць выяву

Маці з дачкой кажуць:

Спалучэнне квасу і мяты дае неверагодны асвяжальны эфект. Клубніцы — адны з любімых ягад Ксеніі, таму гэты кактэйль адразу выйшаў у топ і быў выпіты амаль да дна. Астатнія фанаты клубніцаў таксама ацэняць.

Павялічыць выяву

Павялічыць выяву

Рэцэпт № 5: Чарнічныя ночы

Вам спатрэбяцца:

  • квас «Хатні Цёмны», 200 мл;
  • чарніцы (у сезон рэкамендуем замяніць іх на парэчкі, так смак атрымаецца яшчэ больш яркім і насычаным);
  • лісты мяты.

Павялічыць выяву

Крыху таўчом ягады, каб яны аддалі свой сок. Заліваем іх квасам. Лісты духмянай мяты кладзём на ваш густ.

Павялічыць выяву

Слова дэгустатарам:

Ксеня: Кактэйль з чарніцамі для мяне самы смачны. І з клубніцамі яшчэ таксама!

Павялічыць выяву

Лера: Мне таксама даспадобы прыйшліся апошнія варыянты. А яшчэ смачным атрымаўся напой з яблычным сокам. Карацей, мая тройка пераможцаў відавочная.

Паспрабуйце і вы паэксперыментаваць! Адчуйце сябе бармэнам і вызначце свайго пераможцу, што стане палачкай-ратавалачкай падчас прыёмаў сяброў. Раскажыце нам пасля ў каментарах, які кактэйль спадабаўся вашай сям’і больш за ўсё.

Партнёрскі матэрыял разам з квасам «Хатні».

Дзякуем бару «На пляжы» за дапамогу ў арганізацыі фотаздымак.

Кацярына Карпіцкая, фота Волі Афіцэравай

4
Максім / адказаць
20.06.2018 / 19:51
"карыца" называецца цынамонам.
0
123ці / адказаць
20.06.2018 / 20:21
Выглядае смачна
3
хамса / адказаць
20.06.2018 / 20:38
Satan, у гэтай тэме мяне забанілі.. але падтрымліваю.. і самагон.. люблю чыстыя чэсныя напоі
'– Это водка? – слабо спросила Маргарита. Кот подпрыгнул на стуле от обиды. – Помилуйте, королева, – прохрипел он, – разве я позволил бы себе налить даме водки? Это чистый спирт!'
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28