Дарослыя выпівалі, дзеці бегалі побач: трохгадовы хлопчык выпаў з акна шматпавярховіка ў Гродне

Увечары 24 мая жанчына з двума дзецьмі прыйшла ў госці да знаёмых на вуліцу Дамброўскага. Дарослыя выпівалі, дзеці бегалі побач. У нейкі момант адзін з хлопчыкаў знік. Яго сталі шукаць, паведамляе УУС Гродзенскага аблвыканкама.

«Каля 21:30 дзіця апынулася каля акна, яно здолела адкрыць створкі і выпала. Хлопчык 2014 года нараджэння зваліўся з вышыні трэцяга паверха», - распавялі ў прэс-службе УУС.

З цяжкімі траўмамі галавы і жывата дзіця дастаўлена ў рэанімацыю.

0

0

0

0

0

0