Бясплатная сетка Free Wi-Fi Minsk з'явілася ў беларускай сталіцы
Бясплатная сетка Free Wi-Fi Minsk стала даступнай у Мінску з 19 красавіка. Скарыстацца ёю могуць як жыхары горада, так і яго госці, у тым ліку замежнікі. Пад назвай Free Wi-Fi Мінск аб'яднаны больш за 100 грамадскіх пунктаў доступу, усталяваных кампаніяй «Дзелавая сетка».
«Раней скарыстацца бясплатным доступам да Інтэрнэту можна было, падключыўшыся да сеткі Wi-Fi.BN.BY. Гэта тэставая назва, якая была не самай зразумелай, асабліва для замежнікаў. Мы вывучылі досвед еўрапейскіх сталіц і вырашылі аб'яднаць усе нашы пункты бясплатнага Wi-Fi у адзіную сеткі пад назвай Free Wi-Fi Мінск», — растлумачыў генеральны дырэктар ТАА «Дзелавая сетка» Павел Аляксеенка.
На дадзены момант у сетку ўваходзіць 115 аб'ектаў доступу да грамадскага Wi-Fi. Сеткай Free Wi-Fi Minsk можна скарыстацца ў многіх буйных гандлёвых цэнтрах, дзясятках кафэ, аўтазаправачных станцыях А-100 АЗС, у шэрагу бальніц, гасцініц, аддзяленняў банкаў. Для падлучэння неабходна ўвесці свой нумар мабільнага і атрымаць на яго пароль. Наступныя аўтарызацыі ў сетцы будзе праходзіць у карыстальніка аўтаматычна. Пасля падлучэння да сеткі інтэрнэтам можна карыстацца бясплатна неабмежаваную колькасцю часу, патлумачылі ў кампаніі.
«Дзелавая сетка» плануе развіваць і пашыраць сетку Free Wi-Fi Minsk, дадаючы ў яе новыя пункты доступу. Так, ужо ў 2018 годзе грамадскі Wi-Fi з'явіцца на станцыях метро Кастрычніцкая і Купалаўская.
