Сербія набудзе ў Беларусі знішчальнікі МіГ-29

Улады Сербіі прапрацоўваюць пытанне з Беларуссю аб набыцці некалькіх знішчальнікаў МіГ-29. Пра гэта паведаміў міністр абароны Сербіі Аляксандр Вулін у інтэрв'ю тэлеканалу «Прва».

Вулін паведаміў, што ў бліжэйшыя дні «будуць прапрацаваны тэхнічныя дэталі» і падпісаны дагавор з Беларуссю аб набыцці некалькіх знішчальнікаў МіГ-29. Сербія таксама атрымае новыя расійскія верталёты — па чатыры транспартныя Мі-17 і баявыя Мі-35 — «у канцы гэтага ці пачатку наступнага года».

Як адзначыў Аляксандр Вулін, сербская армія «стараецца як мага больш абсталяваць свае сілы і ўзбройвацца», піша «Расійская газета».

tut.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0