Тэракт у Францыі: памёр паліцэйскі, які абмяняў сябе на закладніка

45-гадовы падпалкоўнік французскай паліцыі Арно Белтрам, які 23 сакавіка абмяняў сябе на апошняга закладніка тэрарыста, сканаў ад ран, паведаміла Бі-бі-сі.

Серыя нападаў, у выніку якой загінулі чатыры чалавекі і былі параненыя 16, адбылася ў дэпартаменце Од на поўдні Францыі. Мужчына напаў на аўтамабіліста, адабраў яго машыну, страляў па паліцыянтах, што вярталіся з прабежкі, а затым узяў у закладнікі наведнікаў супермаркета.

Нападнік быў забіты паліцыянтам спецназам. Паводле МУС Францыі, ім аказаўся ураджэнец Марока Рэдуан Лакдзім, які пражываў у Каркасоне.

0

0

0

0

0

0