Даслаць навіну
Знайсці
17.03.2018 / 19:57

Амерыканскія хімікі стварылі з графену ўнікальную фарбу для валасоў

Хімікі знайшлі графену новае прымяненне: з яго можна рабіць нетаксічны фарбавальнік. Пра сваё вынаходніцтва навукоўцы з ЗША і Кітая распавялі на старонках часопіса Chem.

Павялічыць выяву

Валасы да і пасля фарбавання графенавым фарбавальнікам.

Перманентныя фарбавальнікі ўтрымліваюць арганічныя растваральнікі і іншыя таксічныя малекулы, якія парушаюць структуру воласа, робяць яго сухім і пазбаўленыя жыцця.

«Нашыя валасы пакрытыя лускавінкамі куцікулы, накшталт рыбінай лускі, і людзям даводзіцца выкарыстоўваць аміяк або арганічныя аміны, каб зрушыць лускавінкі і дазволіць фарбе патрапіць пад іх хутчэй, — тлумачыць аўтар артыкула Цзясін Хуан з Паўночна-Заходняга ўніверсітэта, што ў Чыкага. — Але гэта робіць валасы ломкімі, а пераксід вадароду, які запускае рэакцыю фарбавальніка ўнутры воласа, толькі пагаршае сітуацыю».

Новы фарбавальнік з аксіду графену вырашае гэтую праблему. Ён лёгка афарбоўвае светлыя валасы ў розныя адценні цёмных колераў і пры гэтым не парушае іх структуру. Такая фарба без праблем вытрымлівае 30 выкарыстанняў шампуня (гэта парогавае значэнне, якое дазваляе фарбавальніку лічыцца перманентным, то бок пастаянным), і не змяшчае шкодных рэчываў.

Наносіць гэтую фарбу для валасоў можна з дапамогай спрэю і расчоскі. Пасля высыхання яна стойка ахінае валасы.

Акрамя таго, аказалася, што цепла- і электраправоднасць графену абараняе валасы ад статычнай электрычнасці і не дае ім разлятацца, а таксама засцерагае ад уздзеяння перападаў тэмпературы і бактэрый.

Павялічыць выяву

Натуральныя валасы (злева) і валасы, афарбаваныя звычайнай фарбай (у цэнтры), паддаюцца ўздзеянню статычнай электрычнасці і разлятаюцца ў бакі. У той час як валасы, афарбаваныя пры дапамозе аксіду графену (справа), не праяўляюць такой уласцівасці.

Nina.nn.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31