У мазгі чалавека ўпершыню «ўжывілі» чып, які палепшыў памяць на 25%
Прафесар Донг Сонг з Універсітэта Паўднёвай Каліфорніі прадэманстраваў выкарыстанне мазгавога імплантата для паляпшэння памяці чалавека, паведамляе Newscientist. Такім чынам, упершыню ў гісторыі з'явілася электронная прылада, здольная эфектыўна палепшыць чалавечую памяць.
Ілюстрацыйны малюнак
Каманда прафесара Сонг праверыла працу сваёй прылады на 20 добраахвотніках з мазгавымі электродамі, імплантаванымі для лекавання эпілепсіі. Сонг падключыў да іхніх мазгоў сваю прыладу, каб яна магла збіраць дадзеныя аб іх актыўнасці падчас тэстаў, накіраваных на стымуляванне альбо кароткачасовае, альбо працоўнае памяці.
Па ходзе выпрабаванняў навукоўцы аналізавалі нейроны галаўнога мозгу паддоследных, каб вызначыць, якія вобласці мозгу актывуюцца ў працэсе успамінаў.
Пасля правядзення эксперыментаў па запамінанні выявілася, што такая стымуляцыя паляпшала кароткачасовую памяць прыкладна на 15% і працоўную — на 25%.
«Мы ствараем нейронны код для паляпшэння функцыі памяці. Такога яшчэ ніхто ніколі не рабіў», — кажа прафесар Сонг.
Пакуль прылада яшчэ праходзіць далейшае тэставанне, і яшчэ невядома, калі яна з'явіцца ў рэальнай клінічнай практыцы.
