Выходзіць каляндар-2018 з беларускімі словамі на кожны дзень
Кампанія «Будзьма беларусамі!» працягвае свой папулярны праект — каляндар «Не маўчы па-беларуску» — і на 2018 год.
Каляндар «Не маўчы па-беларуску» — гэта сакавітыя беларускія словы, праілюстраваных арыгінальнымі малюнкамі на кожны дзень. Кожны месяц адзначаны адмысловай прыказкай.
Аматараў нашага, роднага чакаюць 365 арыгінальных малюнкаў ад мастачкі і аўтара ідэі Дар’і Мандзік, падпісаных тысячамі цікавых беларускіх словаў і словазлучэнняў. Ёсць нават слоічак са шмаравідлам…
Як вядома наступны год — год Сабакі па ўсходнім календары. Аўтары выдання вырашылі паказаць, што сабака і для нас не чужая істота, таму сабралі і аздобілі 12 найбольш цікавых беларускіх «сабачых» прымавак!
Традыцыйна ўкладаннем і аздабленнем календара займаліся Дар’я Мандзік і кіраўнік студыі «Адліга» Анатоль Лазар.
Замовіць каляндар па спецыяльнай цане — 8 рублёў — можна на Symbal.by.
Усе, хто зробіць перадзамовы, атрымаюць календары як толькі яны выйдуць з друкарні — праз 2-3 тыдні.
Пазней каляндар «Не маўчы па-беларуску» будзе ў краме Symbal.by на праспекце Машэрава, 18.
ІП Белавус П.М. УНП 691764397
