Даслаць навіну
Знайсці
17.08.2017 / 15:55 28

У Беларусі ідзе экстраная высечка лясоў: на барацьбу з караедам кінулі пяць тысяч чалавек

Фота greenbelarus.info.

Агульная плошча пашкоджаных караедам лясоў складае 12,4 тысячы гектараў. Гэта супастаўна з плошчай горада Віцебска. Усе сілы лясгасаў кінутыя на экстраную высечку заражаных дрэў - іншым спосабам перамагчы шкодніка немагчыма.

Масавае ссыханне хвоі ад караеда адзначанае ў паўднёвых рэгіёнах - на тэрыторыях Брэсцкай і Гомельскай абласцей, а таксама часткова ў Мінскай і Магілёўскай.

Як распавялі tut.by у прэс-службе Міністэрства лясной гаспадаркі, цяпер усе сілы сцягнутыя на барацьбу з шкоднікам - усяго больш за 5 тысяч чалавек.

«Уся тэхніка лясгасаў перадыслакаваная ў месцы санітарнай высечкі. Напрыклад, у паўднёвы рэгіён, дзе было асабліва засушліва і хутка размножыўся жук, перакінутыя ўсе нарыхтоўчыя магутнасці з Віцебскай, Гродзенскай і Магілёўскай абласцей. Робіцца ўсё, каб не дапусціць другога вылету шкодніка [для далейшага размнажэння]», - патлумачылі ў ведамстве.

Неафіцыйна спецыялісты параўноўваюць прынятыя меры з «ваенным становішчам» у лясах. Хвоя — асноўная парода ў беларускіх лясах, яе доля складае больш за 50%. Менавіта ёй аддаюць перавагу два віды караедаў: верхавінны і шасцізубчаты.

Адзіны метад барацьбы - хуткая санітарная высечка. Практыкі прымянення хімічных сродкаў у дадзеным выпадку няма, канстатуюць у міністэрстве.

Па гэтай прычыне ў лясах уведзеная часовая забарона на планавыя вырубкі. Усе намаганні сканцэнтраваныя на санітарных.

Для гэтага са згоды прэзідэнта спрошчаная працэдура афармлення неабходнай дакументацыі для санітарных высечак у хваёвых насаджэннях. Акрамя таго, пайшлі насустрач грамадзянам, хто жадае нарыхтаваць драўніну з насаджэнняў, што ссыхаюць.

«Скарочаны тэрмін афармлення дакументаў на правядзенне высечак і знятыя абмежаванні на выбар участка ў хваёвых насаджэннях, што ссыхаюць», - дадалі ў міністэрстве.

1
Баба Зина / адказаць
18.08.2017 / 11:12
Ну что "крепкие хозяйственники", ничего не продается? Решили лес продать? А людям лапши навесили про жучка.
1
Каін / адказаць
18.08.2017 / 18:53
Короед (расейск) = шашаль (беларуск)
0
Валер / адказаць
21.08.2017 / 00:30
Адам Чумак, Ты напэўна лясніком у канторы сядзіш, калі сасну - ад елкi не адрознiш
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
2016 2017 2018
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30