МЗС Беларусі выступіла з заявай адносна выхадкі расійскіх радыкалаў у Мінску
У заяве паведамляецца, што 15 лютага група асоб з пашпартамі грамадзян Расіі і журналісцкімі пасведчаннямі, у прыватнасці выдання «Руская планета», паспрабавала сарваць прэс-канферэнцыю Спецыяльнага прадстаўніка Старшыні АБСЕ ў Трохбаковай кантактнай групе па ўрэгуляванні сітуацыі на ўсходзе Украіны, пасла Марціна Сайдзіка.
Указаныя асобы раскідвалі ўлёткі і выкрыквалі лозунгі, якія перашкаджалі паслу камунікаваць з прадстаўнікамі СМІ.
У выніку іх выдалілі з прадстаўнікамі праваахоўных органаў з месца правядзення мерапрыемства. Прэс-канферэнцыя адбылася, і прадстаўнікі СМІ атрымалі інфармацыю пра вынікі работы Трохбаковай кантактнай групы ў Мінску.
Прэс-служба МЗС Беларусі расцэньвае гэтыя дзеянні як свядомую правакацыю, скіраваную на зрыў перамоваў і дыскрэдытацыю Мінскай перамоўнай пляцоўкі.
Беларускі бок будзе і далей прымаць усе меры для забеспячэння бяспекі і бесперашкоднай працы Трохбаковай кантактнай групы, і неадкладна спыняць усе спробы перашкодзіць яе працы.
Група расійскіх радыкалаў паспрабавала сарваць прэс-канферэнцыю Сайдзіка ў Мінску ВІДЭА
