Асдыс вызваліла сэрца
Ісландская мадэль Асдыс Ран афіцыйна абвясціла пра развод з ісландскім футбалістам Гардарам Гунльёйсанам. Пры гэтым прыгажуня выбачылася перад усімі, што доўгі час хавала праблемы ў сямейных стасунках, спрабуючы адгарадзіць сваіх дзяцей ад эмацыйнай нагрузкі.
«Я пацвярджаю, што я развялася са сваім мужам, — гаворыцца ў паведамленні для прэсы. — У нас было дзевяць выдатных гадоў сумеснага жыцця, напоўненых любоўю і павагай. Але летась нашы шляхі разышліся, і мы прынялі рашэнне развесціся. Цяжка перажыць развод пасля столькіх гадоў жыцця, але мы сапраўды будзем падтрымліваць стасункі і ў будучыні. Я хачу звярнуцца да прадстаўнікоў СМІ з разуменнем паставіцца да нашага рашэння». Таксама Асдыс дадала, што не мае намеру даваць інтэрв’ю ў найбліжэйшы час.
Пра канкрэтныя прычыны раставанні пары не паведамляецца. Магчыма, прычынай паслужыла чарговая інтрыжка ісландкі, якіх у яе жыцця было нямала.
