Тыкток будзе пазначаць кантэнт, створаны з дапамогай штучнага інтэлекту
Тыкток абвясціў пра ўвядзенне пазнак для кантэнту, створанага з выкарыстаннем штучнага інтэлекту. Такая мера накіраваная на барацьбу з распаўсюджваннем дэзынфармацыі ў сацыяльнай сетцы, піша Tech Xplore.
«Штучны інтэлект адкрывае неверагодныя творчыя магчымасці, але можа збіць з панталыку або ўвесці ў зман карыстальнікаў, калі ім не паведамяць, што кантэнт быў створаны штучным інтэлектам», — гаворыцца ў заяве TikTok.
Сацыяльная сетка будзе прымацоўваць да гэтых матэрыялаў спецыяльны ярлык, «калі яны загружаюцца з пэўных платформаў».
Раней TikTok ужо стымуляваў карыстальнікаў пазначаць кантэнт, створаны або адрэдагаваны пры дапамозе штучнага інтэлекту. Цяпер гэтая мера стала абавязковай, асабліва для кантэнту, які змяшчае рэалістычныя малюнкі, аўдыё і відэа.
Чытайце таксама:
Тыкток стаў цалкам даступны ў Расіі — дадатак працаваў з абмежаваннямі з сакавіка 2022 года
