Завялі крымінальную справу супраць Валера Руселіка
Пра тое, што супраць журналіста і блогера (вядомага пад нікам Daroha) Валера Руселіка распачалі крымінальную справу, паведаміў ён сам у фэйсбуку.
Валер Руселік. Фота: facebook.com/daroha.via
«Даведаўся на днях, што супраць мяне ў Беларусі ўсчатая крымінальная справа. Ходзяць па блізкіх, распытваюць. Падрабязнасцяў ня ведаю», — напісаў Руселік.
Невядома яму дакладна, і па якім артыкуле заведзеная справа.
Некалькі апошніх гадоў Валер Руселік жыве за мяжой. 12 ліпеня 2023 года суд Ленінскага раёна Гродна прызнаў экстрэмісцкай інфармацыйнай прадукцыяй змест сацыяльных сетак Валера Руселіка, а 2 жніўня ўвесь праект Daroha быў прызнаны «экстрэмісцкім фармаваннем».
Чытайце таксама:
Асуджанага на 19 гадоў палітвязня па «справе анархістаў» зноў будуць судзіць
