За распаўсюд «экстрэмізму» арыштавалі жыхара Наваполацка
Суддзя суда Наваполацка Зінаіда Балаболава 12 сакавіка за наяўнасць у сацыяльнай сетцы спасылак на «экстрэмісцкія» рэсурсы арыштавала на 10 сутак намесніка дырэктара па камерцыйных пытаннях ТАА «Юджэн» Уладзіміра Волкава, даведалася «Віцебская вясна».
У пратаколе аб адміністрацыйным правапарушэнні запісана, што Уладзімір у інстаграме меў спасылкі на суполкі: majakrainabelarus, Belsat», «Радыё Свабода — Беларусь», якія ўлады ўключылі ў рэспубліканскі спіс экстрэмісцкіх матэрыялаў.
Мужчына на судовым пасяджэнні віну прызнаў, пры гэтым звярнуў увагу суда на тое, інфармацыю на сваёй старонцы ў сацыяльнай сетцы Instagram размяшчаў да прызнання яе экстрэмісцкай і намеру на распаўсюджванне экстрэмізму не меў.
Тым не менш, суддзя Балаболава ўгледзела ў дзеяннях Волкава склад правапарушэння і на падставе ч. 2 арт. 19.11 КаАП пакарала яго арыштам тэрмінам на 10 сутак.
Чытайце таксама:
У Жлобіне затрымалі і асудзілі не менш за чатырох чалавек
Палітвязню Аляксандру Кулікову, які паверыў сілавікам, дадалі яшчэ паўтара года зняволення
