Колькасць загінулых падчас тэракту ў «Крокусе» дасягнула 133 чалавек — Следчы камітэт РФ
Паводле звестак расійскага Следчага камітэта, пры нападзе на канцэртны комплекс «Крокус» у Краснагорску пад Масквой загінулі 133 чалавекі. Пры гэтым у паведамленні ведамства адзначаецца, што пошукавыя працы на месцы тэракту працягваюцца.
Фота: AP Photo
Раней тэлеграм-канал Baza паведамляў пра 143 загінулых, а крыніца тэлеграм-канала «112» — нават пра 150 чалавек. Аднак афіцыйна гэтай інфармацыя пакуль не пацверджаная.
Аднак у кожным разе гэта ўжо найбуйнейшы тэракт у Расіі па колькасці загінулых пасля захопу школы ў асецінскім Беслане ў 2004 годзе. Тады загінулі 334 чалавекі, з іх 186 — дзеці.
Чытайце таксама:
Што вядома пра беларуса Аліма Кашаварава, які знаходзіцца ў вельмі цяжкім стане пасля тэракту
Адзін грамадзянін Беларусі знаходзіцца ў вельмі цяжкім стане пасля тэракту ў «Крокус Сіці Холе»
