Новыя падрабязнасці забойства 27-гадовай украінскай бежанкі ў Германіі: стаў вядомы трагічны лёс яе маці
Два тыдні таму каля горада Хокенхайм на поўдні Германіі проста на беразе Рэйна знайшлі цела забітай 27-гадовай Маргарыты Разаз з Харкава. Яна жыла ў цэнтры для бежанцаў разам з маці і нованароджанай дачкой. Дзяўчынку Мію неўзабаве знайшлі, а яе бабулю, 51-гадовую Марыну Сцяцэнка, аб'явілі зніклай без вестак. Цяпер яе лёс высветліўся, піша Bild.
Цела Марыны Сцяцэнка знайшлі ў возеры каля вёскі Бад-Мінгольсгайм. Як паведаміла паліцыя, яе таксама забілі.
Падазраванымі па справе праходзяць 43-гадовая расіянка і 44-гадовы немец. Па версіі следства, яны забілі маці і бабулю дзяўчынкі, каб забраць дзіця сабе. Злачынцы завабілі бежанцаў, паабяцаўшы ім дапамагчы аформіць дакументы ў Германіі.
Чытайце таксама:
Забойства 27-гадовай украінскай бежанкі ў Германіі: жудасны працяг гісторыі
У Нямеччыне забілі 27-гадовую бежанку з Украіны, яе маці і нованароджаную дачку шукаюць
У Германіі памёр і другі ўкраінскі баскетбаліст, паранены нямецкім школьнікам
