Тэнісіст упершыню ў гісторыі выйграў турнір, прайграўшы першыя сэты ўсіх матчаў
Казахстанскі тэнісіст Аляксандр Бублік стаў пераможцам турніру ў французскім Манпелье з прызавым фондам амаль €580 тыс.
Аляксандр Бублік. Фота: Sue McKay
У фінале Бублік, 27-я ракетка свету, перамог харвата Борну Чорыча (37-ы) з лікам 5:7, 6:2, 6:3.
Бублік правёў на турніры чатыры матчы і ў кожным прайграваў першы сэт — канадцам Дзянісу Шапавалаву і Феліксу Ажэ-Альясіму, а таксама Аляксандру Шаўчэнку (Казахстан) і Чорычу.
Такім чынам Бублік стаў першым у гісторыі ATP (Асацыяцыі тэнісістаў-прафесіяналаў), хто выйграў турнір пасля паражэнняў у першых сэтах усіх матчаў, звяртае ўвагу РБК.
Бублік выйграў чацвёрты тытул ATP у кар'еры і другі ў Манпелье, дзе ён перамагаў у 2022-м.
За перамогу ў Манпелье ён атрымае 250 рэйтынгавых балаў і €88 тыс. прызавых. У новай версіі рэйтынгу ATP у панядзелак ён падымецца на 23-е месца.
Аляксандр Бублік да 2016 года выступаў за Расію.
Чытайце таксама:
Сабаленка знялася з турніру ў сталіцы Катара
