Mark Formelle зрабіў рэкордную карціну са шкарпэтак
З чаго толькі ні рабілі карціны: з шын, віна, садавіны… Абы не фарбамі. А беларускія вытворцы на выхадных вырашылі пайсці яшчэ далей — скласці твор прыкладнога мастацтва са шкарпэтак. Сюжэт карціны кананічны для любога беларуса — дранік і смятанка, піша «Анлайнер».
«Рэкорд паставілі ў Маскве, на тэрыторыі ВДНХ, і неўзабаве перададуць для фіксацыі складальнікам Кнігі Гінеса, — паведамілі прадстаўнікі беларускай кампаніі Mark Formelle, якія выступілі арганізатарамі акцыі. — Пано складаецца з 2407 шкарпэтак, на стварэнне пайшло каля дзвюх гадзін. Працэс выглядаў як маляванне карціны па нумарах: для кожнай шкарпэткі было пазначана сваё месца».
У кампаніі запэўніваюць, што такую вялікую карціну са шкарпэтак у свеце яшчэ ніхто не ствараў. Рэкорд ужо зафіксавалі ў Міжнародным агенцтве InterRecord і рэестры рэкордаў Расіі. Усе неабходныя матэрыялы таксама перададуць прадстаўнікам Кнігі Гінеса — іх вердыкт стане вядомы праз некалькі месяцаў.
Чытайце таксама:
Mark Formelle прэзентаваў шкарпэткі з цытатамі з «Песняроў»
Модная восень па-беларуску. Трэндавыя рэчы можна знайсці нават у брэсцкай «Калінцы»
Цяпер і Барбі можа «купляць беларускае». Mark Formelle паказаў калекцыю адзення для лялек
Максима
Азарёнка
ўсё