Ілан Маск сарваў украінскую атаку на Крым, адключыўшы Starlink — CNN
Летась амерыканскі мільярдэр Ілан Маск адключыў украінскім вайскоўцам доступ да інтэрнэту праз спадарожнікавую сувязь Starlink у раёне Крыма, каб не даць ім правесці атаку на расійскі вайскова-марскі флот, гаворыцца ва ўрыўку новай біяграфіі Маска аўтарства Уолтара Айзексана, паведамляе CNN.
Ілан Маск. Фота: Chesnot/Getty Images
Калі ўкраінскія падводныя беспілотнікі з выбухоўкай наблізіліся да расійскіх караблёў, яны «страцілі сувязь і іх выкінула на бераг, яны не прычынілі шкоды», піша Айзексан.
Ён расказаў таксама, што такое рашэнне Маск прыняў з-за боязі ўдару ў адказ Расіі з выкарыстаннем ядзернай зброі. Страхі ў яго, маўляў, узніклі пасля размовы «з высокапастаўленымі расійскімі чыноўнікамі», адзначае біёграф мільярдэра.
Чытайце таксама:
«О божа, гэта нядобра!» Маск расказаў пра «цудоўную размову» з Пуціным
