Вось як выглядаюць турэцкія дачы. Што можна пераняць?
З надыходам вясны ўзрастае попыт на дачы і адпачынак за горадам. Асобныя гараджане прызвычаіліся ладзіць пікнікі і ў межах горада. У турэцкім горадзе Конья вырашылі пайсці насустрач жыхарам і стварылі цэлы гарадок для адпачынку з грылем.
Пікнік-парк у горадзе Конья (Турцыя). Фота: сайт горада gokonya.com
Як паведамляе сайт горада, спецыяльная зона для пікнікоў займае плошчу 975 сотак. На ёй размешчаныя 454 асобныя ўчасткі па адной сотцы. Усе яны аднолькава абсталяваныя зонай для барбекю і вадаправодам. Нават расліны аднолькавыя.
Акрамя гэтага, у «садовым таварыстве» есць сацыяльныя аб'екты агульнага карыстання, такія як фітнэс- і дзіцячая пляцоўка, памяшканне для малітвы.
Арандаваць участак можна за плату. Да таго ж, каб дабрацца, неабходна мець аўтамабіль. Дарогі заасфальтаваныя, частка ўчастка выкладзеная пліткай, а другая — засеяная травой. Усё выглядае дастаткова ўрбаністычна. Але гэта не змяншае папулярнасці такіх участкаў.
Конья — гэта горад у цэнтральнай частцы Турцыі з насельніцтвам 2,2 мільёна чалавек. Ëн звязаны з Анкарой і Стамбулам хуткаснымі чыгункамі.
Так выглядаюць участкі ў пікнік-парку горада Конья (Турцыя). Фота: сайт горада gokonya.com
У адрозненне ад звычайных месцаў для пікніка, куды вядзе толькі адна дарога і дзе маецца толькі адна стаянка, тут тэрыторыя падзеленая на кварталы, а машыну можна прыпаркваць непасрэдна каля ўчастка. Сама зона адпачынку ізаляваная ад суседзяў.
Як думаеце, ці варта такое пераняць і беларусам?
Чытайце яшчэ:
Шале, глэмпінг і хаткі на дрэвах. Топ незвычайнага жылля для адпачынку ў Беларусі
«Абмеркавалі, вырашылі — пагналі!» Пабудавалі модную трохвугольную хату-шале ўсяго за паўгода
Ад 10 да 270 тысяч даляраў. Дачы ў ваколіцах Мінска прадаюцца па цане кватэр
п.с. дом насупраць цікава пафарбавалі... на фасадзе выразна чытаецца НН.. Рэд., куды вам фота даслаць?