Румас аб'явіўся ў Мінску. Што было далей?
Як стала вядома «Нашай Ніве», днямі ў Мінск наведваўся былы прэм'ер Сяргей Румас, які з лютага жыў у эміграцыі.
Сяргей Румас, фота Сяргея Гудзіліна
Чытайце: Стала вядома, дзе знаходзіцца Сяргей Румас і ў чым сэнс прэтэнзій да яго
Чытайце: Румас не знайшоў працу ў Лондане і ўжо месяц жыве ў Кіеве. Дома ў Мінску быў вобшук
Што ён рабіў у Мінску? Невядома. Тут ён пабыў пару дзён і зноў выехаў. Гэтую інфармацыю ён пацвердзіў «Нашай Ніве».
«Так, я быў у Мінску, але цяпер у Маскве», — сказаў Румас.
Ён таксама адхрышчваецца ад існавання пераследу:
«Пытанні да мяне з боку праваахоўных органаў выдумляюць журналісты. Іх не было і няма», — пераконвае экс-прэм'ер.
Пры гэтым вядома, што былы прэм'ер праз Лондан адправіўся ў Кіеў. Гэта адбылося пасля таго, як органы пачалі затрымліваць яго былых калег з Банка развіцця, а ў яго самога дома прайшоў вобшук.
«На наступным тыдні зноў збіраюся ў Кіеў, у мяне там праект», — кажа Румас.
