СТВ змяніла тэкст паведамлення аб праве галасаваць ад 20 да 70 гадоў, але відэа засталося
На сайце тэлеканала знікла ранейшая цытата.
Канстытуцыйная камісія.
«Што тычыцца выбарцаў, то ёсць планы, каб права галасаваць было ў людзей ад 20 да 70 гадоў», — паведаміла вядучая Сталічнага тэлебачання.
«Прадстаўнікі Канстытуцыйнай камісіі таксама лічаць гэта аптымальным, паколькі маладыя людзі ўжо паспеюць сфармавацца як асобы і будуць здольныя рэальна ацэньваць сітуацыю. А старэйшае пакаленне пры прыняцці важнага рашэння яшчэ праяўляе актыўнасць у грамадска-палітычным жыцці краіны, і на іх выбар ніяк не можа паўплываць стан здароўя», — прагучала такая аргументацыя.
На гэты момант выбарчае права ёсць ва ўсіх грамадзян, старэйшых за 18 гадоў.
Пазней у тэкставай версіі артыкула на СТВ згадка аб прапанове скараціць колькасць людзей з выбарчымі правамі знікла, але ў відэа яна засталося.
Тлумачэння, чаму гэты момант быў выдалены з тэкставага артыкула, на старонцы СТВ няма.
