У выходныя будзе марозна, а на наступным тыдні яшчэ халадней
Пра гэта Tut.by паведамілі ў Белгідрамеце Мінпрыроды.
13 лютага,у суботу, ноччу і раніцай у многіх раёнах — снег, завіруха, на дарогах снежныя заносы, па паўднёвым усходзе краіны — моцны снег.
Днём па захадзе і ў цэнтры — невялікі снег, па ўсходзе снег будзе ўмераным, у асобных раёнах завіруха. Галалёдзіца. Моцны парывісты вецер да 15-20 м/с. Ноччу -12…17°С, максімальная днём -7…13°С, па захадзе -2…6°С.
У Мінску, паводле pogoda.by, у Мінску ўначы і раніцай да мінус 14°С, удзень да мінус 10°С.
У нядзелю, 14 лютага, кароткачасовы снег, слабая завіруха.
Уначы ад -5°С па захадзе да -17°С па ўсходзе Беларусі, максімальная днём да мінус -4°С, у заходніх раёнах -1…3°C.
У Мінску ўначы і раніцай да мінус 13°С, удзень да мінус 8°С.
У панядзелак стане халадней. Уначы -13…20°С, пры праясненнях -21…25°С, днём -8…15°С, у Мінску ўначы і раніцай да мінус 19°С. Удзень да мінус 16°С.
У аўторак у Мінску ўначы да мінус 20°С, удзень мінус 7-9°С.
У сераду ў Мінску ўначы і раніцай да мінус 22°С, удзень да мінус 15°С.
